Atu Lio Mipi Nih Theih Kan Duh Ngai Mi Falam-Hakha Karlak Kahdoh Nak Thawngpang

Chin miphun Ralkap CNA le Chin mipi vengtu CNDF/CDF hna I bawn in Kawlrawn lei in arak kai mi ralhrang hna cu Falam le Hakha karlak lam pi ah an hren hna I kah hna. Ralhrang lei an motor 7 arawk I athi mi an tam, hliam atuarmi  minung 15 leng an um tiah theih asi.

October ni 14 ah Chinram lei ah arak kai mi ralhrang motor 40 leng cu Falam in Hakha lei ah kal an I thawh in Falam lonh Mile 10 hrawng an kal  khin CNA le mipi vengtu ralkap hna nih an kah hna caah nihin tiang an khuallam atluang kho ti loh.

No description available.

Cun ni hin October 16, 2021 sml.10:00  hrawng ah khan Falam lei ah Ke in akal mi minung 40 hrawng le hliam tuar minung 15 hrawng arak phur tu ralhrang motor cu Lungpi khua pawnkam an phak ah an khah than hna I Falam lei zongah an lan kho ti lo. atu hi ralhrang pawl cu hmai lei kal kho lo hnu lei kir kho lo in um hna. crd

thawngdang…Ralhang Pawl Hakha Leiah Kal Hrimhrim An I Tim. Kawlrawn lei in Chinram ah arak kai mi ralhrang  pawl cu Falam in Hakha lei ah kal an I tim nain lam an kham ruangah an lan kho lo. Rialti le Thlanrawn khua ah minungthinlung ken lo in inn le biakinn pawl an khangh ta hna, curuangah Chin mipi runverng tu  pawl nih an rak kah hna.

Cun atu ah meng 13 tikua an ti lei I lam an hrawh mi nih akham hna I cu lam arawk mi cu an mah ralhrang ralkap pawl nih an minung thazang in an rem cuahmah  i lanh khawhnak ding an I zuam, asinan anmah minung thazang in cun an remh khoh ding le an motor he an lan khoh ding cu zum a um lo ngai.

Tuzing (October 16) tiangah cun an motor tam ngai le anmah minung tam deuh zong meng 13 tikua timi I an khamnak le meng 12 tlang karlak ah an um rih hna. Ralhrang cheukhat cu an motor he Falam lei ah an kir than.

Hi thawng theitu Calvary Thang nih “Breaking News. Ralhrang pawl in motor pakhat he Lungpi lei ah Lam tuahtu ding JCB an va lak i a mawngtu hi Falam lei in an rat a ti. Tuhi an rak kir cang i Lungrang an phancang I  Meithal an puah pah cuahmah tiah thawng theih asi. Credit: meifar

Author: Main Editor

Leave a Reply

Your email address will not be published. Required fields are marked *