Australia I Myanmar In Sianginn A Kaimi Hna Cu Ralhrang Cozah Nih CDM Ah I Tel Lo Dingin A Hro Hna

Australia ahhin Myanmar in sianginn a kaimi siangngakchia tampi an um i cu chungah cozah riantuan a simi, cozah bawmhnak in a kaimi zong an tampi. Cu cozah bawmhnak in Australia ah sianginn a kaimi hna cu ralhrang cozah nih CDM ah i tel lo dingin hronak ca a kuat hna tiah theih a si.

Cu cakuat cu Australia hrambunh ABC News sinah a phan i cuticun ABC News nih Myanmar siangngakchia pahnih cu biahalnak an tuah hna.  Ralhrang cozah cakuat ah cun nawl na ngaih lo i CDM ah nan tel ahcun fak piin dantat nan si lai tiah an tial. Midang zong i tel dingin sawm hlah u, an ti fawn hna. CDM ah kan i tel lai lo timi biakamnak cu a tlai bik July 7 ah kuat ding ti a si.Biakamnak tuah cu an duh lo tuk, asinain an tuah lo ahcun Myanmar ah a ummi an chungkhar nih an tuar sual lai ti an phang fawn. Cozah bawmhnak in Australia ah sianginn a kaimi hna cu lungrethei le thinphang in an um ko.

Australia cozah nih ralhrang cozah cungah a cawlcangh ning a nem tuk, fak piin dantat phihkharnak tuah seh tiah Australia hlutdaw le Myanmar siangngakchia hna nih biatak tein an forh peng. Credit: the chin post

Thawngpang dang: SAC Ralhrang Le KIA Karlak Kah Nak Fak Achuak Than; July 4 ah khan Shanram chaklei Kyuatkai peng I Union Lampi a hnu lei I khua pakhat ah KIA tatyin ahmat (29) pawl cawlcangh nak ah  hramhram uknak la tu ralhrang le KIA  cun zing sml.8 in kahdoh nak an thawk  tiah theih asi.Konglein Helicopter ttumnak bual hlunah ralhrang bu pawl cu umhmun khur ah sakhan an tuah cuahmah lio ah KIA lei nih RPG in an rak kah hna I cu ah cun kahdoh nak aathawk hi asi tiah theih asi.

Hi kahdoh nak konghe pehtlai in min langter lo mi pakhat nih  Kyuatkai le Muse lampi ah hin sml 1 chung hrawng kaphnih karlak an I kah I cu hnu ah Kyuatkai lei hin hriamngan hmang in an kah hna hi asi (zanlei) atu tiang hi an I kap kap rih ko tiah achim.Kaaphnih in athi mi le hliam mi kong cu theih fiang asi rih lo nain KIA nih Ralhrang an um nak chung ah RPG in an kah hna caah Ralhrang lei hi athi mi cu an tam ko lai tiah zumh asi. A tu an I kah nak khua hrawng hi 2016 lio in khan ralzam an rak um I atu tiang an hmunhma an hlam rih lo nak hmun asi.

Shanram chaklei ah hin zarkhat leng hrawng cu tukkah nak le ralhrang hna cawlcangh nak cu arak dai nain zarhkhat hnu July 4 zinglei in fak tak tak in kahdoh nak arak um than hi asi. Source: 7Stars News

Author: Main Editor

Leave a Reply

Your email address will not be published. Required fields are marked *