Breaking News; Bomb Puahnak Ah Laimi Pakhat Hliampu, Pastor Pakhat Tlaih Tong Ve

 Nizaan November 25 ah Yangon ramtthen, North Dagon sang no. 38, Tapin Shwehti lam le Maha Bandula lamton ah a ummi inn pakhat ah bomb a puak i Laimi pakhat hliamhma a pu ve, tiah thawng kan theih. Bomb puah ruang ah Falam peng mi Johnson Van Biak Lawm, Kyaw Thiha le Aung Khant Paing hliamhma an pu i, Kyaw Thiha cu sizung ah a nunnak a liam.

Bomb a puahnak inntek chungkhar zong SAC ralhrang nih an tlaih dih hna.  Tlaihmi lak ah kum upa tar pakhat le COVID-19 sii chunh ding in a hngakmi pastor pakhat zong aa tel, tiah thawng kan theih.  SAC ralhrang thawngzamhnak MWD nih cun bomb an sernak ah a puak, tiah a langhter.Hakha Le Thantlang Karlakin Lii Aa Hnin Mi Kong A Hnu Bik Thiamsang Hna Chim Cio Mi; Tuzing Suimilam 6 Minutes 15 le 42 Seconds ( Myanmar Times) ah khan Hakha in Meng-10 hlaatnak le Thantlang in Meng-6 hrawng hlaat nak Khuafo khuapawngin aa thawkmi Lii fak ngaiin a hngin na’in Minutes tlawmpal te lawng a hnin ca’ah chiatnak le hlohnak fakpi tuarnak a um loh ti’ah theih asi.

Hi Lii- hngin hi Hakha, Thantlang, Falam, Ted -dim, Tonzang, Kalemyot, Gangaw lei pinah kan Mizoram Aizawl, Champhai, Lunglei, Lawngtlai le Saiha pinah Myondwa, Mandalay le India ram Calcutta tiangin an theih ti’ah an chim. Kawl Myanmar Molewatah, Nyphidaw nih cun 6.0 Magnitudes asi i, Leitang 46 KM (Depths) in a thawk ti’ah an chim na’in India Methodology Surveys nih cun 5.8 Richter Scale asi ati ve.

Mah hi Satellite(ဂြိုဟ်တု) in an hmuhning a dang cio i,US Geological Survey nih cun 5.8 Richter Scale, Leitang 42.1 Kilometers in Epicentre in asi ati lio’ah German Research Center for Geo- Sciences( Dr. Vum Son rak tuan belnak) nih cun 6.1 Richter Scale asi ti’ah a chim ve. Zeipoh siseh law atutiang cu thihnak le fakpi in chiat nak a um timi theih ding a um rih loh. Acheu nih cun vawihnih hngin ding a um rih an ti na’in tihphan ding cu a um tuk rua loh. Thlacamnak he i bawm cio hna u.

 

Author: admin

Leave a Reply

Your email address will not be published. Required fields are marked *