Breaking News: Falam I Ralbawi Pakhat Nih Ralkap Thlahlawh Ting 200 Leng He Azam

Falam khuachung I umhmun khuar mi atu lio ralhrang hna nih Infantry (268) sakhan an ti mi i ralbawizik achantu Ye Yint Thu timi pa nih ralkap tangka le nupi a fir I azam tiah theih asi. October 19, 2021 chun ah Falam Infantry (268)sakhan ah aum mi a kut tang ralkap pawl hna caah thlahlawh ava chuah i sakhan ah kirthan ti loin a tli tiah theih asi.

Khuachung mi nih an chim ning ah cun Falam Infantry (268) sakhan i ralbawizik changtu Ye Yint Thu hi ralkap pawl he aa pehtlai mi thil ri vialte cungah ṭuanvo alatu dih tu a si. Nizan chun ah ahkhan sakhan I aum mi ralkap pawl hna caah thlahlawh ting 200 leng ava lak piak hna i cu hnu in sakhan ah kir ti lo in anu ngak nu cu afir pah in a tli. Cun arak I cit mi motor bike zong akal tak. Tiah theih an chim. Credit: Mizzima

October ni 19 lio I Ramthlo Khuchung ah SAC Ralhrang pawl An colhcangh ning: October 19 ah Ramthlo khua ah SAC ralhrang pawl an phan i zaan khat an caam chung ah Ramthlo khua inn 100 leng an bauh, tiah khua mino hna nih The Chin Journal ah an chim. Khua mino pakhat nih, Kan khua hi inn 160 leng kan si. Atu kan zoh tawk ah inn 100 leng cu an bauhmi kan hmuh. Vok le ar tampi zong an thah. Vok an thahmi pakhat cu an kalpi kho ti lo i, buri in an rawn hnu ah cuticun an kaltak.

Innchung thilri zei bantuk pawl dah an fir timi belte cu inn ngeitu pawl an rak tlun cio tik ah kan theih te lai, tiah a chim. Atu tiang a zaammi Ramthlo khuami pawl an khua ah an kir rih hna lo. Mino cheukhat lawng khua vehvat ah an vung kal ta. Ni zeimawzat cu inn kan hlam ngam rih hna lai lo. Atu zong hi khua mino 15 hrawng khua vehvat ah kan vung kal ta a si,” tiah a si mino pakhat nih a chim. Credit: The Chin Post

Author: Main Editor

Leave a Reply

Your email address will not be published. Required fields are marked *