Breaking News: Hakha Khuathar Pu Mang Cin Cu A Umnak Inn Ah Tuzaan Kha Meithal In An Kah

 Hakha Khuathar Pu Mang Cin cu a umnak inn ah tuzaan kha meithal in an kah i a nunnak a liam. Anih hi ralkap he an i hawikom tiah an puh i miphun ralkap nih warning an pek bal cang ti a si. Nain, a fapa upabik zong CNA ah a lut vemi cu a si. A chungkhar le hawikom nih cun dalan a si hrimhrim lo tiah an chim.

Tuanvo ngeitu nih fianternak an tuah te ko lai dah. Si kho sehlaw dalan tiah zumhmi an um sual ahcun thah lo a tha bik(ralkap asi lomi thah phung a si lo). Tlaih in raltuk a dih hlan tiang sakhan ah chiah ko u law miphun caah a tha bik ko hnga. Thawng pang laknak Salai lung thli tum ca hmaiNovember 10, 2021 Kalaymyo, Bethany Siikhan ah Oxygen dur a puak i Rev. Dr. Lalduhawma le a nupi an nunnak a liam Kalaymyo, Tahan ah a um mi Bethany Siikhan ah Oxygen dur a puak i EMC Church ah Pastor a tuan lio mi Rev. Dr. Lalduhawma (Kum 58) le a nupi Pi Rosiami (Kum 65) an nunnak a liam tiah kan theih. Oxygen dur a puah caan hi zaan suimilaam 7:50 hrawng ah a si i zei ruang ah dah a puah ti hngalh a si rih lo.

Min Aung Hlaing Nih Siangngakchia hna fim cawnnak kong he pehtlai in sianginn ah hnahnawhnak pek le tlerhkhonh nak an tuah mi hi thil thalo tuk an tuahmi a si caah, rampi harnak a pek asi tiah hramhram nawlngeihnak la tu ralhrang hruaitu Min Awng Hlaing nih a chim. November 9, Naypyidaw ah tuahmi ralhrang phu hna biaruahnak ah bu-choh-hmu-gyi Min Awng Hlaing nih biacah nak ah a tu bantuk in a chim chih hi a si. Sianginn on a si hnu ah sianginn a kai mi an tlawm.

November 8, tiangah siangngakchia dihlak (nuai 2, sing 3 le thong 5) leng nih sianginn an kai, sianginn on ni thok in zerhkhat chungah siangngakchia minung nuai 1 leng an i chap caah lawmhawk ngai a si tiah ralhrang bawi Min Awng Hlaing nih cun a chim.

Hum himnak kong he pehtlai in siangngakchia nu le pa le, khuachung deihnak duhtu hna bawmhchanhnak thawng in ca cawnnak sianginn ah hnahnawh peknak tlawmpal lawng a um, cheukhat hmunhma ah cun tlerhkhonhnak zong a um tiah ralhrang bawi nih cun a chim.Siangngakchia sianginn on piak nak cung ah hngat in, sianghleirun hna zong sianginn on piak an si ve lai, sianghleirun caah sianginn on tik ah voikhat te ah on dih si lo in master, qualified le final year cun second year tiin on piak an si lai tiah nawlngeihnak la tu ralhrang hruaitu bawi nih a chim.

November 1, thok in ramthen le ramkulh 9 in pengkulh 40 leng chim lo ramchung dihlak ummi phungki sianginn telh in sianginn dihlak cu ralhrang phu hna nih on ter a si cang na in, Yangon telh in pengkulh tamdeuh ah sianginn kai tu an tlawm ngai tiah theih a si.

Author: Main Editor

Leave a Reply

Your email address will not be published. Required fields are marked *