Breaking News; July Ni 1 Hniarlawn Ah Ani Kap

 Halkha peng Hniarlawn khuachungah July 1, 2021 chun lailing ah Kawl ralkap nih CDF pathum an kah hna i an kheng hna lo. Halkha lei in Kawl ralkap 28 an rong phan i Baptist Biakinn hrawngin hmunhma an la.

Tlawmpal ah Motor cycle cit in ara mi an kah cawlh hna. Motor cycle 2 cu rang taktak in an zam i chikkhat ah kaphnih in ani kap cawlh.Khuachung innlak tuk asi caah CDF nih an zam tak hna. Kawl ralkap cu Bomb le meithal an puah chih len i Sml 1:30 tluk hnu ah Halkha lei ah an kir than tiah min langh ter duhlo pakhat sinin theih a si.

Kaphnih in ani hliam lo. Tutan thil a cang mi hi ruah tikah lung a hring ko. An phanh hlan pin khuachungah kawl ralkap an rak phanh cang ning tuak ah an mah lei lila chung hin bia a zut sual rua tiah pi tar nu nih a chim. Biakil; hi thawng pang cu CCN nih an tial cia mi lak chin mi asi.

Author: Main Editor

Leave a Reply

Your email address will not be published. Required fields are marked *