Breaking News: June 30 Jet Fighter In KIA an Kah Hna

 Ni hin chun sml.1:45 hrawng ah KIA tatyin 11 HQ lei kam ah ralhrang hna nih Jetfighter 2 in an kah hna tiah theih asi. Vawlei leiin zeitluk in kah nak achuak tiah theih khawh asi rih lo.

Apwng I aum mi khuamihna nih nihin zinglei ahkhan KIA tatyin 11 pawl nih hin meng21 timi ah (suhpawng gate) ti anluh hnawh hna hna caah Ralhrang hna nih hin Jetfighter pa 2 in an kah hna hi asi.

Nihin June 30 ah khan myikyina pawng I Nantyi kalnak lam I (suhpawng gate) ti mi cu KIA nih Zinglei sml. 5 hrawngah an luh hnawh I ankah tiah theih asi. Sml. 1chung hrawng kap hni kah nak achuak I cu hnu ah KIA nih Gate cu mei in an khangh. Hi kahdoh nak ahin ralhrang lei 2 an thi mi apawng kam i rawldawr atuah mi pakhat zong anun nak aliam tiah theih asi.

Gate I mei akangh lio ah hin lamcung ah motor pakhat zong akaang, cun sml.7 tiang hrawng hi meithal thawng kan theih rih, khualtlawng motor vialte cu hleicungah an dir terdih.

Cun highway lampi cung ah motor cu akham dih hna caah an I tlardih ko tiah min langter lomi pakhat nih cun achim. Source: 7stars NewsThawngpang dang rel na zuam ah cun….Ralhrang Nih Kutke Caah An hman mi Pyu Saw Htee Lu Tlai Pa Anun Nak Aliam; Ralhrang hnanih rampi nawlngeih nak an lak hnu in ralhrang adir pi tu hna Pyu Saw Htee tiah theih mi bu an dir ve I hi bu hna cu ralhrang le USDP tanhtu pawl tlang pi in an si.

Hi bu pawl chungah hin hriam nam aa tlaih mi an um ve i,ralhrang dirpi in mipi kilveng tu PDF zong an do ve lengmang hna. Hi bantuk ruangah hin PDF pawl nih cun Pyu Saw Htee pawl cu kan zoh sawhsawh hna lai lo tiah thawng thanh nak an rak tuah bal cang.

Mandalay ramthen Taungta myone i penguk cazi rian atlai mi U Lue Maw zong Pyu Saw Htee chungtel a si ve i, hriam cu aatlaih ve lo nain, ralhrang dokalh in khua mipi an cawlcang ning cu ralhrang sinah a va chimh dih lengmang hna. Cu ruangah mino 30 renglo cu khua an chuah tak i hmundang ah an i thup dih hna.Hi tluk in Khuachung mipi caah mi hna hnawk tuk asi ruangah June 29 zinglei sml 10am hrawngah mopuai a va hman dih in inn lei ara tti lio i lampi ah an rak kah that.

Hi bantuk in an thah lawlaw mi hi cu mipi caah hnai a dai deuh tuk tiah Taungta mino hruaitu pakhat nih cun achim. Taungta mino hruaitu nih cun.

Amah ruangah mino 30 hrawng cu khua ah um ngam loin hmudang ah an zam i an va i thup hna. Ahnu ah amah ruang i midang an tlikzam lonak ding le buainak an ton lonak dingah kan fimhlawm law law ko. Amah hi Pyu Saw Htee ah hin hruaitu lu lam a si i ralkap cozah ah penguk cazi zong atuan mi a si. Thawngpang tha tein kan theih hnu lawngah hi pa hi kan fimhlawm mi asi ko” tiah a ti.

Author: Main Editor

Leave a Reply

Your email address will not be published. Required fields are marked *