Breaking News; Thantlang ah Dalaan tiah ruah mi pakhat meithal in an kahthah

  July 5, zaanlei 3:30 pm tluk, Thantlang TABC lampial ah Dalaan a si, tiah ruah mi pakhat cu aho si hngalh lo mi hna nih meithal in an kahthah, tiah kan theih.

“Chaklei in an vun dawi mi alo. TABC lampial zawn ah khin motorcycle aa cit lio ah meithal in an kah. Tlawmpal ah sii-inn motor nih a phurh i an kalpi. Atu hi Palek nih an check lio a si,” tiah minung pakhat nih The Hakha Times ah a chim. Credit: The Hakha Times, July 5Thawngpang dang relchih…Ralzam Mipi Hna Cu Ramlak Ah Nan Zam Ahcun Kan In Kah Hna Lai Tiah Hna Lai Tiah Ralhrang Nih An Ti Hna. Sagaing ramthen,Kani peng Khuate lei ah ralhrang phu hna nih luhhnawh hna in, mipi hna cu rallokap an rat tikah tlik zaam lo ding in le tlikzaam ahcun ,ramlak tiang kan in kah hna lai tiah an tlerhkhonh hna.

Ralhrang hna nih an chim nak ahcun, zei tin hmanh in kan in ti hna lai lo, humhimnak nak ding ah kan in zoh khenh hna lai,zeithil hmanh a cang lai lo, khuachung ah um ko uh, Nan um kel ten um ko uh. Ramlak ah nan tlik zaam ahcun thiltha lo tuah mi tiah kan in kah hna lai” tiah an kan ti nain hohmanh khuachung ah kan um ngam lo tiah Kinsanpiah khuami pakhat nih a chim.

Kani peng  ah pehtlai in kahdohnak a chuak .July 1 in mipi vengtu phu PDF le ralhrang phu kahdohnak ah PDF lei in minung 4 an nunnak a liam,pahnih hliam an tuar tiah theih asi.CDM tuah mi siangcachim Mg Hlah Myi Thun zong a nunnak a liam, hliamtuar mi zong an um tiah khuami pakhat nih a chim. July 3 zinglei suimilam 9 :45 ah Kani peng Yuatayua ah ralhrang phu hna nih hriamngan in an kah hna caah inn 3 hriamngan nih a khen, minung pakhat a khen chih tiah khuami sin in theih asi.

July 4 ah ah ralhrang phu hna nih inn le dawr ah facang,chiti,cycle,sui,ngun,seh hmanmi  sii, zu le a dang minung hmanmi herhhai hna cu an lak tiah khuami hna nih an chim. Kani peng khuate lei in ralzaam minung 30000 leng an um tiah theih asi. Khit Thit Media

Author: Main Editor

Leave a Reply

Your email address will not be published. Required fields are marked *