Breaking News:Thantlang Penguk Inn pawng le Hmun dangdang ah Bomb an Puak

 Nizaan zaanttim sml. 12:30 hrawng ah Thantlang khuapi ah bomb puahnak voi 4 a chuak, tiah Thantlang khuami sin in kan theih. Bomb a puahnak hmun hna cu Thantlang penguk (အုပ်ချုပ်ရေးမှူး)inn pawng,

Town Hall pawng, peng fimcawnnak zung pawng le chaklei kam hmun pakhat an si hna. Bomb a puah bantuk meithal puah thawngpang voi 5 leng zong pehzul in a thang.Bomb puahnak ruang ah aa hliammi an um lo. Zei bantuk bu nih bomb puahnak an tuah timi zong fiang in theih a si lo. Nihin zong ah Thantlang khuachung in meithal puah thawngpang kan theih len, tiah Thantlang khuami pakhat nih The Chin Journal ah a chim. Credit the chin journal

(thawngpang dang)…Myanmar lemcangthiam mihlun KHine Hnin Wai nih cun tu lio kan ram Myanmar buainak ah a umnak Yangon mipi pawl caah athil ti khawh nak chuah in bom ve a duh i, Oxygen bur 150 a cah ter. Oxygen bur 150 a cah termi cu July 15 ah a phandih i, mipi caah a lakin a phawt dih colh hna.Khine Hnin Wai hi nulepa ngeilo hngakchia a cawmtu pakhat zong a si ve i, Yangon khuapi chung lawng si loin, hmundang i hngakchia an hlonh mi ti bantuk asin ah an pek tik zongah lunglawm tein a cohlang hna i a cawm ken hna. Mi cheu khat cu a asin ah naute an va zuar tibantuk pawl zong an um.

Cu bantuk in, mipi caah, harsa mi caah  le nulepa ngei lo pawl caah a si khawh tawk chuah in aa zuam cuahmah mi  a si. A lakin mipi sinah Oxygen a pek mi kong ah Khine Hnin Wai nih cun “Oxygen bur ka cahmi pawl cu an aphandih cang i, a herh tuk mi pawl sinah kan phawt colh. Oxygen har tuk lio caan a si i, aherh tuk I hna nan zate caah kan pe kho hna lo i a poi tuk ka ti.Aherh tuk mi pawl sinah tangka lak loin ka pek i, nan hman dih lo asi ah cun midang sinah pe ve uh tiah kan cah duh hna. Oxygen aherh ve nain, ating lo mipawl nih nan ka theithiam nak dingzong ah ngaihthiam hal kan duh hna. Keimah zog zarhkhat hrawng ka rak dam lo cang nain, kei mah caah chiah loin midang ka pek dih. A ka bawmtu nan zate cungah kaa lawm tuk,” tiah a ti.

Author: Main Editor

Leave a Reply

Your email address will not be published. Required fields are marked *