CDF-Matupi Raldoh Nakah An Lut Than Thlacam  Bawm Rih Hna U Sih

 CDF Matupi le ralhrang hna cu aluan cia October thla chung ah khan voi 5 hrawng an I kap I November thlachung ah hin voi 1 an I kap cang, hi kahdohnak chungah hin ralhrang lei in minung 50 leng an thi I CDF Matupi lein athi mi cun an um lo nain hliamhma afak loin atuar mi minung 3 an um tiah theih asi.

Matupi pengchung I kap hnih kahdoh nak ruangah Mindat-Matupi le Matupi-Paletewa lei lam cung i aum mi hna chung in ralzam dirhmun thongli leng hrawng cu ahmin deuh nak khuale raklak hna ah an um tiah theih asi. Cu pawl  hna caah eidin le Siiai hna cu emergency in bawmh an herh tiah an langhter.CDF Matupi ralkap hna nih atu dothlen nak chungah hin hriamnam aathlau tuk ruangah har sat nak tampi lak le harnak tampi lakah asi khawh chung in mipi cu kilven kan I tim. Cun mipi kan kilven nak ruangah an nunnak tiang aliam mi zong an um. Asi nain tihphan nak zeihmanh um lo in mipi kilven kan I timh peng rih mipi zong nih kan dir pi ve uh tiah CDF Matupi  nih cun an langhter.

Mithi Ruak Chungah Bom An Hmanhmi Nih CDF-Matupi Minung 3 Cei Tuk In A Hliam Hna. Kawl ralkap pawl minung lungthin an hei ngeih lo khawhning hi khuaruahhar taktak khi a si ko. CDF-Matupi nih an thahmi an ralkap pawl cu fimhlawm loin an ruak chungah bom tu an hmanh hna i cu nihcun kan Chin ralkap (CDF-Matupi) minung  cu cei lak tein a hliam hna tiah theih asi. Cu hrimhrim nihcun minung lungput an ngei bak lo ti cu fiang tein a langhter.Kan hnuzerh ah khan kawl ralhrang le CDF-Matupi hna cu Matu ramchung hmunkhat ah fak ngai in an rak i kap hna. Cu lio ahcun kahdohnak a fak tuk caah ralkap lei a thimi zong an rak zoh kho hna lo. Zerhkhat hnu ah cu an rak i kahnak hmun ahcun CDF-matupi hna cu an va kal than tikah ralhrang ruak cu pong lengluang in zeimazat an va hmuh hna caah an ruak cu vui an timh hna.

Cu vui an timh hna lio ahcun ruak chungah an chiahmi bom cu an puak ciammam i CDF-matupi lei in minung 3 ceilak tein an i hliamnak cu a si. Ahohmanh nih ruak chung celngel ah bom an chiah lai ti cu an ruat lo i an mawh hrimhrim lo. ANmah ralkap hawi an thih tikah ui le ar nak hmanh in man ngei lo deuh ah an chiah hna ti cu a lang ko. Fim le hlamm lei lo i bom hmanhnak menmen fang i hman hna cu an poi taktak si.

Author: Main Editor

Leave a Reply

Your email address will not be published. Required fields are marked *