CDM Atuah Tu Pawl Cu Riantuan Than Dingah SAC Rakhrang Nih Meithal He Hramhram In Min Anthut Ter Hna

Kachim ramkulh Hupin Myo ah June 20 thaw k in Ralhrang hna nih tlanglawng riantuan tu CDM ah aatel mi hna cu hram hram in rian tuan an fial than hna tiah theih asi.

CDM i aatel mi riantuan tu pawl cu meithal he ahro hna I kan tuanlai tiah Min nan thut lo ah cun kan in kah hna lai tiah hramhram in an ti hna.  Tlanglawng lam I thir pawl thianh le bomb nih apuah nak hmun pawl cu remh dih ding in anfial chih hna tiah minlangh ter lo mi pakhat nih cun the 74 media sinah achim.

Thla nga (5) chung tlanglawng pawl an kal ti lo caah tlanglawng lam pawl cu hling nih a khuhdih, thir pawl zong bomb nih apuah mi hna cu tuzing thawk in ralhrang hna cu an rak luh i tlanglawng riantuan pawl cu hram hram I remh ding ah an fial hna. Hupin khua pawng I ah hin April thla 27 ah khan hlei pakhat cu bomb nih arak puah I ni hin tiang remh asi rih lo, cu ka cu rem ding in an ti hna tiah khuami pakhat nih cun achim.

Hi lam remh nak hmun ah hin ralhrang phu minung 100 hrawng nih an cawngh hna. Ralhrang nih hrocer nak ruang i rian ah alut than mi hna cu an chungkhar caah thinphang ngai asi ko tiah riantuan tu chungkhar he neihniam mi pakhat nih cun the 74 media sinah achim.At u bantuk dir hmun ah cun Cozah riantuan tu hna an chung khar caah tih anung ngai ko mipi nih ralhrang he nan I pehtlai tiah pakhatkhat in an tuah khaw hna I, rian an tuan than loah cun ralhrang hna nih pakhat khat in an tuah ve hna lai phan aum ve.

Cozah rian ding ah alut than mi hna cu thah an ton, rian ah alut than lo mi hna cu tlaih an tong ve, cu caah cun cozah riantuan tu le an chungkhar caah tih anung ngai mi dirhmun asi.

Atu tan ah ralhrang nih hro cer nak ruang ah CDM an tuah nak in non CDM, zungzal cozah riantuan than dingah minung 7 hrawng cu minthut tiah theih asi.Mongin myone Myanmar Rialway engineer  department  I riantuan tu 300 leng ahhin  90% cu CDM ah an lut I hi chugah hin 49 hi may thla chung ah khan an rian in an rak dih ter cang hna. Source: The 74 Media

Author: Main Editor

Leave a Reply

Your email address will not be published. Required fields are marked *