Chin Ramkulh Falam Peng Chung Ah  Minung Lungthin Keng Loin Ralhrang Pawl An Cawlcawng Nak He Pehtlai In Cathan An Chuah, October 27, 2021

Ralhraang State Administration Council (SAC) nih cun Mipi sin in nawlngeih nak  hranhram in an lak lawng si lo in anmah doh kah tu rampi huap mipi pawl vailte cu hriam nam thazaang bochan in an thah an hrem hna.

Cu lawng si loin, 1947 Panglong (agreement) hnatlak nak minthut ruang i Ram ser ti mi (Union), Rampi chung ah a tel hmansa tu Chin ram I atlawnleng mi mipi pawl ngeih le chiah vialte le Inn le lo le rothil pawl a simi tiang in SAC ralhrang pawl nih hranhram in an lak piak dih hna i an I phorh dih.

Cu lawng cu si hin lo in Chin ramkulh, Falam Peng chung i Rialti (Atu Falam khuachung, Lungpi Veng), Thlanrawn le Ṭaal khua pawl ah Chin miphun nih kan sunsak tuk mi Biakinn telh in inn pawl cu an khangh hna I, cu caah cun ramchung-ramleng Chin miphun lawng si loin ramchung minung vial te le kan in pa ram mipi vialte tiangin le vawlei cung kil 4 i mipi pawl tiang in kan lung afak i, tuar dih cio asi.

Khuachia SAC ralkap pawl nih minung lungthin keng lo in an umtudan, le an cawlcangh mi cu Chin National Organization nih fak tatak in kan mawchiat i, cu caah ahmual ngei tak tak in ramchung ramleng nih lehrul a herh tiah thu kan chuah a si tiah ati. Credit; the chin knowledge

Author: Main Editor

Leave a Reply

Your email address will not be published. Required fields are marked *