Chinpa Ralhrang Ralkap In CDM Atuah Lo Mi KIA Nih Anthat

Ralkap nih rampi ngawlnak an lak hnuah ralkap a tuan pengmi Chinpa Mung Biak Sang cu Kachin ralkap KIA le Myanmar ralkap kahdohnak ah KIA lei nih an kah that tiah Tedim thawng zamh nih cun a langhter.

Mung Biak Sang hi Chin ramkulh Tedim ramchung Tonzang peng Cikkha khuami Pu Thawng Za Khawm le Pi Man Suan Naing hna i an fapa a si. Ralkap a luh hnuah khua a tlung ti lo i, nupi ngei rih loin tlangval a si tiah an tarlang.Ralkap in rampi nawl ngeinak an lak hnu in ralkap sinak in a din lem lo i, ralram i um a si tikah KIA he kahdohnak ah tel ve lengmang ahua, July 16 ni i an i kahnak ahcun Mung Biak Sang cu KIA in an kap that hi asi.

Mung Biak Sang a thih nak kong he ah hin Chin mipi cheukhat cu CDM a tuah du lo nak man tiah lungawi in achim tu an um i, cheukhat nih cun ralkap dirhmun in CDM tuah hi a fawi bak lo mi thil asi tiah an ti ve. CDM Tuah nak zawn a thei lo mi le zamnak lam a thei lo i CDM a tuah kho lo mi zong  tampi an um ve tiah an ti .

Author: Main Editor

Leave a Reply

Your email address will not be published. Required fields are marked *