Christmas Tuah Hi Setan Hlennak A Si Tiin Zeitindah An Cawnpiak Hngam Hna-Pastor Zaite

Christmas kongah cawnpiaktu cheukhat nih an chimmi cu, Christmas tuah cu setan hlennak a si, Christmas tuah u tiah bible nih a chimlo tiin a aupi mi thawngtha chimtu chungin an um hna. Cu cu Laimi thinlung chungah CI bantukin aa thuh i, mizeimaw nih cun Christmas hi tuah a hau renglo tiah a ruatmi an um cang hna. Christmas kongah Pastor Zai Len Sung nih a hmuhning hitihin a chim;

 

“Zumtu hna nih Christmas kan ti lengmang mi December 25 hi Zisuh khrih chuahnak Ni a silo tiah micheu nih an ti. Cucu a diklo tiah alnak a um lo. A ruang cu bible nih Zisu chuahnak ni, thla le caan a langhternak a um taktak lo. Nihin vawlei cung nih a pawmmi December 25 cu Zisuh chuah ni asi pek silo pekah kan Bawipa Zisuh chuah camtuak hman hi a sualnak pakhat hmanh a um ka theilo. Minung hmanh nih pei kan chuah ni cu heh tiah kan lawmh saih cu.

Pathian fapa a chuah ni kan lawmh lai ti hi a sualnak ka theilo. Ka khuaruah a har deuhmi tu cu, Christmas tuah cu setan hlennak a si tiah cawnpiaktu cheukhat nih an chimmi tu hi a si. An chim ah hin an ka thlingtal a zaa hngalo maw”  ti ka ruat tiah a ti.

Catialtu: Laimi cawnpiaktu an tam i, ruahnak a tam ve, bible pakhat chungah ruahnak chim cawklo le pawmning, hmuhning phun tamtuk a chuak cang. Kan Pathian min ah, Khamhnak a tlau khawh le khawhlo ruangah, Khaukhih kongah, Doctrine kongah, vanram a um le umlo kong te hna ah kan buai hna. Hi hi a ngaingai ti ah cun, cawnpiaktu hna cawnpiaknak aa dan lulhmalh ruangah an si.

Author: admin