Daw Aung San Suu Kyi Vengtu (Body Guard) Cherry Htet Thawngpang

 Myanmar ram ruahnak petu Daw Aung San Suu Kyi vengtu (body guard) Cherry Htet thawngpang thar cu a ho hman nih an thei kho ti lo, a chungkhar hna zawng nih a tutiang an pehtlaih kho rih lo ti a si. February 1, 2021 zinglei ah Daw Aung San Suu Kyi cu ralkap pawl nih an va tlaih lio ah khan amah vengtu pawl cu an tlai hna lo i cozah innpi ah kham an kharhkhum i an tha tein an cawng (security) an chiat hna ti asi.

Nay Pyi Taw, Zabu Thiri Township i ralbawi pakhat nih rampi buaitertu a si ti in pohmah 505 in taza a cuai hnu ah September 21 ah an tlaih, Cherry Htet le Aung San Suu Kyi vengtu chung in an hotu Pyae Phyo Naing he an tlaih hna i hmun dangah an hruai hna hnu I cun an thawngpang theih asi ti lo.

Akong lam theitu pakhat nih “Ahlan ahcun zeihman tuah loin inn chungah an rak khum peng hna, asi nain an tlaih i hmundang ah an hruai hnu ah cun zeidah an cang, Zeitin an um, an dam ṭha maw ti zong zei hmen thei khawh asi ti lo. Ralkap pawl nih Daw Aung San Suu Kyi an tlaih zing ah hin Pyae Phyo Naing nih an gate innka arak ong duh lo ruangah ralkap pawl nih an baoh i an lut hnawh hna ti zong in achim chap.

Myanmar rampi ruahnak petu Daw Aung San Suu Kyi an tlaih zing ah hin zeitin dah bia an I ruah i zeitin dah an tuah ti mi hi ahram thawh in adongh tiang theidih tu cu Pyae Phyo Naing lawng hi a si. Cun Cherry Hte he hin  an an tlaih ti hna i cuhnu cun atu tiang hi an kong lam theih a si ti lo. An ichungkhat pawl zong nih an siaherh tuk hna tiah achim.2019 lio ah Gambia ram nih Myanmar ram cu vawlei pi huap court ICJ ah taza arak cuai, cu lio ah cun Myanmar ram aiawh in Daw Aung San Suu Kyi a va kal i cu lio zongah kha Pyae Phyo Naing nih hin arak zulh. Pyae Phyo Naing hi Aung San Suu Kyi kilveng tu pawlkom chungah an hotu a si nan a kut tang herry Htet hi mipi in an rak thei tam deuh.

Chin TV nih Interview an tuah I Tuah phu bak zong asi fon US Marines ralkap ttuan lio bak mi asi ralkap hlawh ui lo in ram le miphun caah ralhrang uk nak tha lo doh ding ah kawl ram ah atlun mi Chin Pasaltha Salai Lin Lin hi a si. a lahkhah (thla hlawh) zong a tam tak tak, asinain kan ram chung buainak le kan Chin miphun hna tamtuar nak a zoh sawh sawh kho ti lo i nun pek bak in ralhrang doh nak ah acawlcang.

Chin TV nih bia nak an ngeih mi chung in asi ning le alung put tawi tein kan langhter: Zei ruangah dah US ram ah nuam tak tak in motor he inlo tha tang ah AC he nuam tak tak in kho ko nain kawlram ah na rak tlun, zei nih dah na thinlung an lak tuk? tiah bia an hal. A lehmi hna cu Ka lung aa ka la tu cu US ramah nuam tein ka um ko,pek chanhnak lei ah le katla cham  cun a langhlat in bawmh ning pawl hi ka thiam phun a si ve lo, asinain ni fatin rian ka kal ah siseh  mawtaw ka mawngh pah ah siseh kawlram thil acing mi kong hi ka zoh lengmeng I ka ruat lengmang cu tikah ka thin lung hi a ka suk tuk I,  cu caah kei mah hi m ning law, ti deuh hin rak um ning law, hi ti hin ti u sih law  mah zat zat minung hi an thi hnga lo, tiin khua za ka ruat tawn.

Cu tikah hi hi Pathian nih a ka auhnak a si ko hnga lo maw Pathian a ka auh nak asi ko lai tiah ka ruat i, cu caah hi hi keizong nih ka tuah khawhmi a si ve, ni khat khat ahcun kan tei ko lai, ka va sungh a si hmanh zongah. Atu bantuk lio can ah zeihmanh ka rak tuah lo ti in kaa ngai chih hnga maw ti zong ka ruat.

Cu ti cun tlunkal nak ding pawl  timhlamhnak ka ngei i a tu hi bantuk in ka rak phan khawh nak hi asi Pathian nih aa ka auhnak a si hrim hrim ko ti zong ka cohlan ko. Adonghnak ah mipi sin ah achim mi cu nan tha chia hlah u, thlacam in kan bawm peng rih ko uh, atu kan um nak hmun in Lai atlang lei ah kai khawh nak lam ka i zuam cuahmah tiah ati. Cu atu ah ani hi Kawlram aumnak thla 6 a asi cang i, a riantuan bik mi cu mipi kilveng tu pawl traning pek hi asi.

Author: Main Editor

Leave a Reply

Your email address will not be published. Required fields are marked *