Donald Trump le President Biden An I Thua Cang Hih

Nizan January 6 (2021 I US Capitol an rak luhhnawh ni) ah President Biden nih biachimnak a ngei. Mah abiachimmi ahcun Donald Trump cu fak tukin a ti. A timi cu, Donald Trump nih lih le hrokhrol in 2020 thimnak kong cu alam kip in a kawl I lih tawnchom in khua a sa. Cun, amah kha ningcang loin nawlngeitu sangbik le lutlaibik ah aa chiah, Americans mipi thatnak le hlawknak nakin amah pumpak thatnak le hlawknak kha biapi deuh ah achiah.

Kan ram Democracy nawlngeihnak phunghrampi nakin amah aw cu lian deuh le cungnung deuh ah achiah. Cu cu Donald Trump riantuannak le lungput cu asi tiah achim. Mah kongah Donald Trump nih Biden cu lehnak atuah colh ve. Atimi cu, Biden nih keimah ka min hmang in America hi thencheu ter nih a tim. Americans mipi thinlung vaivuanhter le thencheuter hi Biden  thithruainak nih aa tinhmi taktak cu asi.

Kan ram nih ramri a ngei kho ti lo, tinhmi setmat a ngei kho ti lo, mipi zalonnak thazaang a derthawm tuk cang, kan ralkap hna thithruai ning zong ningcang tein a kal kho ti lo caah Afghanistan ral kan sung, nihin ah Covid-19 zawtnak zong kham kholo in a um cang. Hi vialte hi Biden santlaihlonak alanghtertu an si tiah ati.

Author: admin