Dr.Van Ram uk: Zoh Te Uh, Laitlang ah Khin Kawlmi Tampi An Kai Lai I An Um Te Lai, Aruang Nan Thei Maw

Rev.Van Ram Uk nih zuding mi hna khi misual an si hlei lo, zuding mi hna cu tha tein kan cawnpiak hna i zu ding ti hlah kan ti hna, thla kan campiak hna i an tha ko.  SUAL timi cu Bawipa nawlngaihlo hi asi tiah ati. Achim chap rih mi cu, Zoh te u, Laitlang ah khin Kawlmi tampi an kai te lai, zeiruangah ti ahcun, nawl an ngai lo, nawl a ngailomi cu Bawipa nih miphundang salah achiah zungzal hna.

‘Tuchan zumtu tampi nih Maang kan zum lo,Number 14 chung ah ka prophet hna cu mang in ka chonh hna a ti. Solomon kha Bawipa nih amaang ah achonh khah. Solomon nih khan amaang kha rak zumhlahsehlaw Bawipa nih kha vialte thluachuah kha a pe hnga lo. Ka maang ah Bawipa nih hitihin a ka chimh tiah an ti tikah zumtu tampi nih Maang hna luklak cu tiah kan ti men ko.

Cu cu asi lo, Bawipa nih Maang in minung hi achonh ko hna tiah achim. Solomon cu apa David Siangpahrang bantuk in Bawipa nawl a ngaihlo ruangah Bawipa nih thluachuah achuh dih. Amah fapa Rehobaom zong Bawipa nawl a ngaihlo ruangah thluachuah an hmu lo, a pennak aa then dih.

Jerusalem hmanh mei in a khang mi Pathian nih zeiruang ah dah Bawipa nih kan biakinn hi akhangh lai lo, Bawipa nih hi biakinn ah hin ka um lai tiah atimi Jerusalem biakinn hmanh kha nawl an ngaihlo ruangah mei in akhangh khah. Kanmah nawlngai lomi biakinn (Thantlang Biakinn, Hakha biakinn, Lautu biakinn, Zophei biakinn tbk) hi zeiruang ah dah a khangh lai lo, nawlngai lomi biakinn pei asi cu, Biakinn hna miphun min abunh mi nawlngailo pei kan si cu’ tiah Rev.Van Ram Uk nih achim.

Author: admin