Electric Mei Zung Ah Bomb Apuak Minung Pa 2 An Thi Hliam Tuar An Tam

 Tuni July 16, zinglei sml 11:00 hrawngah Mandalay ramthen Pyikyi Takuan myone, electric mei zungpi ah bomb a puak i mipi lei in 2 an thi i hriam tuar minung 10 lenglo an um.

Zinglei sml. 11 hrawng i bomb apuak ah hin electric mei zung i tuanvo ngeitu le mei man pek dingin akal mi mipi chung in a thi le hriam tuar an um. Bomb cu mipi an I pumhnak chungah a ho ti theih lo mi nih an puah mi asi i, bomb a puah tu cu tlaih khawh  a si rih lo.bomb apuak tlawmpal ah cun bomb puaknak hmun electric mei zungah ralkap le palek an phan colh ve. A hmun i aum mi pakhat nih “Bomb cu mipi lakah an puah mi a si i, minung 2 an thi. Pakhat deuh hi cu electric mei zung ah rank sang U Tin a si i, a dang pakhat athi hi cu mipi sawhsawh men man pek dingin zungah akal mi a si.

Bomb puah hnuah damlo phurnak motor an phan i hliam tuar 10 hrawng cu sizung ah an kal pi colh hna. Zung i riantuan lakin hliam tuar an tam I electric mei man pek dingah a kal mi mipi chung zong in hliam tuar an um. Tlawmpal ah cun ralkap le police an khat dih, tiah a ti.Kan hnu deuh zongah kha Mandalay khuapi i mei man ahal mi inn kip I a lut mi pahnih cu an rak kah cang hna i pakhat deuh cu arak a thi. NUG cozah nih cun mipi cu mei man pek lo dingah a rak ti cang hna i, ralkap cozah nih hin mei man nan pek lo ah cun mei hri kan in chah piak hna lai tiah  mipi cu an ti ve hna.

Author: Main Editor

Leave a Reply

Your email address will not be published. Required fields are marked *