Falam Peng Chungah Inn Tamtuk A Kaang, Cun Khua 7 In Minung 4,000 Hrawng An Zaam

October 13-15 karlak ah Falam peng chung ah SAC ralhrang inn 24 an khangh i khua 7 in minung 3,921 nih an innlo chuahtak in an zaam hna, tiah Falam peng ralzam tawlreltu bu sin in kan theih.  October 13 le 14 ah SAC ralhrang nih Rialti khua ah biakinn pakhat telh in inn 12 an khangh i Thlanrawn khua zong ah inn 12 an khangh chap. Atu bantuk in Falam peng khuate ah Ralhrang hna nih Inn le lo an khangh mi le an hrawh mi ruangah Thlanrawn khuami hna nih cun an Chin mipi vengtu le Chin miphun ralkap hna cungah mawhchiah nak an ngeih lo nak cu Statement(cathluan) in Online an hun langhter.

Rialti inn an khanghmi biakinn le kudawng pakhat an i tel i, Thlanrawn khua zong ah Pastor Biak Thluai a umnak biakinn quarters inn an khanghpiak.  Lungpi, Rialti, Thlanrawn, Taal, Tlangzar, Ramthlo le Dokthek khua in ralzaam 3,921 an um i, Falam khuapi ngaingai ah a zaammi hi an tlawmte tiah Falam peng ralzam kongkau tawlreltu bu nih an langhter.

Thawngpang dang (emergency thawngthanh nak)…Ralrin peknak thawngthanh, Hakha in Thantlang karlak zinglei sml. 7 le cheu hlan le zanlei  Sml 5 le cheu hnu aho hmanh ke in siseh, Motor in seseh, Motorcycle in siseh tlunkal rih loi ding. Hi thawngthanh mi a zul lo mi hna nun himnak tuanvo kan in la hna lai lo. CDF- Thantlang Credit : TRC

Author: Main Editor

Leave a Reply

Your email address will not be published. Required fields are marked *