Good News- Y Kyaw Moe Tun kongah Thailand zong nih thawngthanhnak a vun tuah ve cang

UN myanmar aiawh tu a si mi U Kyaw Moe Tun cu thah a tim tu hna le Thailand ram in hriamnam a zuarh mi hna he pehtlai in hlathlai nak ah a herh ning in kan in baawm hna lai tiah Thailand palek nih an chim.

America, New York ah U Kyaw Moe Tun thah a timh tu pahnih 2 cu phu FBI nih an tlaih hna. An hriamngam cu Thailan in cawkmi a si an langhter.

Hi kong he pehtlai in Thailand ram i zei ban tuk phu hmanh nih bawmh ding in karhlan nak a um rih lo nain an karhlan sual a si cun bawmh a tlak mi a si tiah chimrel nak nawl ngei palek bawi changtu Kat Sa Nah Phatcianaciahrin nih August 9 thawngfianh nak ah a chim.

Hi kong hi a luancia ni 3 hrawng ah thawngzamh ca chung ah ka hmuh.Thailand nih tan pi ding in zei bantuk phu hmanh nih timtuahnak an ngei rih lo , hlathlai nak zong an tuah rih lo .An tuah asi ahcun bawmh ding in ready kan si.Asinain a kong lam cung ah a hngatchan ko lai.

U Kyaw Moe Tun cu NLD cozah a kai thawk in America ram New York ah a um mi UN ah Myanmar ram aiawh in rian a tuan mi a si. Ralhrang nih uknak hramhram in an lak hnu UN meeting ah atu uknak cu kut zungthum hler in duh lo nak a langhter caah ralhrang nih amah cu tlaih ding in nawl an chuah.

U Kyaw Moe Tun thah an timh mi hi America ram chung kong lawng a si i Myanmar ram he a pehtlai lo tiah myanmar ralhrang ramdang lei vuanci nih August 9 ah an thanh. #DVBnews (Cre-TCP)

Author: admin

Leave a Reply

Your email address will not be published. Required fields are marked *