Havard CAPS polls an langter mi ah Joe Biden nak in Trump an duh deuh

Joe Biden cu US President caah a tlak bak lo ti a fiang chin lengmang cang ko,  A rian tuan ning ah Iowa mipi 31% lawng nih a tha an ti i 62% nih a rian tuan ning le US a zohkhen ning ah thalo an ti. Nihnih ni/Tuesday ah, Des Moines Register/Mediacom Iowa polls nih a langter mi a si

Afghan ram in US ralkap withdrawal a kalpi ning le Mexico ram in US ramchungah phunglam loin a lut mi an tam tuk caah US mipi nih an duh lo chin lengmang cang. 7% nih President Joe Biden rian tuan ning le US a zohkhen ning cu a thamaw tha lo maw ti an langter duh lo.

The Des Moines Register nih a langter ning ahcun, June thla hnuah Joe Biden rating approval hi 12% in a niam chin tiin a langter. Nikhat ni/Monday ah Harvard CAPS/Harris Poll nih a langter ning ahcun, President Joe Biden nak in former President Trump a duh mi an tam deuh tiin a langter.  48% nih Trump an duh i, 46% nih Joe Biden an duh tiin a langter

Polls nih alangter than ning ahcun, Joe Biden President a tuan hnuah US mipi cu lungkhat tein a um tiah a ruah mi 37% an si i, 54% nih, Joe Biden President a si hnuah US ram chungah i rem lonak, i huatnak a tam chin an ti. Cun Joe Biden President a tuan hnuah, Democrat party a duh lo mi an tam chin i, 13% in Democrat party a duh lo mi an kar tiin a langter. Cre-Breitbarth

Author: admin

Leave a Reply

Your email address will not be published. Required fields are marked *