Janpan MP Pawl Nih Myanmar  Caah Biakam Nak An Tuah Mi Atha Lung Lung Ahmui Tuk

 July 6 zan ah NUG vuanci cheukhat le Japan hlutdaw palai pawl cu online in biachim ttinak an ngei hna, cuahcun Japan hlutdaw palai pawl nih ralkap cozah cu zeitik hmanh ah an cohlan hna lai lo nak le NUG le Myanmar mipi cu asi khawh chung in tanpi dingin an chim.

Japan hlutdaw palai Mr.Ichiro Aisawa nih cun “Ralkap nih vote diklo timi i tlaih in rampi nawlngeih nak an lak mi cu kan cohlang kho hrimhrim lo . Myanmar ram thimnak cu vawlei pi nih a theihpi mi thimnak asi I cu thimnak  ah atling mi  cozah cun kan pom.cubantuk in,tlangcung mi pawl he lungrual tein adirmi NUG cozah zong kan zumh. Cun Myanmar ah NUG cozah lawng a um tiah kan ruah  i ralkap cozah cu kan cohlang bal lai loh.

Curuangah kannih Japan nih cun asi khawh chung in NUG cozah cu kan bawm lengmang rih ko lai.Kan bawm lai timi ah ah hin hriamnam lei in si lo in, fimcawn nak, Siai le thildang aherh mi, eidin phunphun hi pawl lei hin asi khawh chingin kan bawm lai.

Hi bantuk in bawmhnak kan tuah tikah ralkap nih hlawknak an rak hmuh ve lo nak ding le mipi kut ah aphak khawh nak ding lam kan kawl lai i asi khawh nak lam in  kan tuah lai,” tiah a ti.

Japan nih cun Myanmar ram buainak ah mipi le ralkap cozah dokalhtu NUG cozah cu fakpi in arka dirpi I asi khawh chung in arak bawmh leng mang cang.A tu zongah Japan cozah dirhmu in Myanmar cozah pom ding ah bia fiangfai an chuah khawh rih lo nain, a tu tiang ah cun asi khawh chung in NUG le Myanmar mipi an bawmg lengmang rih hna nak ding ah biakam nak an ngei.

Author: Main Editor

Leave a Reply

Your email address will not be published. Required fields are marked *