Jesuh Chuah Ni Asi Lomi ah Kan Satil Chawva Pingpalo In Kan Deh Dih Hi Cu Apoi Ko

DECEBER THLA HI ISRAEL RAM KHUASIH THLA A SI LO, FURPI RUAHTAM THLA A SI. ISRAEL CALENDAR ah Thlakuanak KISLIV Thla cu atu Rom Calendar thla hleihnihnak DECEMBER thla he ai tong. Israel ram ah cun khuasih caan a liam i an furpi ruah tam thla a si ti hi Baibal bia in fian khawh a si, (EZRA 10:9-13).

December cu a thlum khun thla in kan theih tawn mi le Van Bawi fapa chuah ni Birthday December 25/ kan lomh tawn ni ah hin kan i lomh tluk in a rak hmaan deuh lo, Van Bawi fapa chuah ni a si lo mi ni ah kan chawva vialte le satil arva tiangin a pingpalo ah kan rak den deuh ko hi, Laimi Khrihfa vialte nih thiang thlarau in lung fim caan a cu cang e. Mi nau chuah thla pei kan rak lomh ko ne hi, kan mifim pawl le Baibal thiam sang pawl nan fimnak le thiamnak cu hmang cang tuah u ca, Lairam turun nan kan hloh dih cang tung lai hi.

A dik lo ning cu Tehte lak ding tam pi a um ko, BC 1000/ hrongah Babilon Ram, MUDDING KHUA ah an pathian TAMMUZ ( or) MITRA Cu December 25/ ah a chuak, cu an pathian birthday ni cu Bawi Jesuh chuah ni tiin Roman Catholic nih Khrihfa biaknak phung chungah a hun khumh i ni hin tiang an hman ve tiin (Hermeneutric Book p-57) ah a tial.

  • Rom Cakuat 11:9-Cun David zong nih: “An puai ah rap ah i foih hna seh law tlu hna seh law dantatnak ing hna seh.
  • Rom Cakuat 11:10🌷”Khua an hmuh khawh nakhnga lo an mit cu caw seh law Harnak an inmi thilrit tangah kun thluangthluan ko hna seh,” a ti fawn.”
  • Jeremiah 7:16 🌷”Jeremiah, hi mi hna caah hin thlacam hlah, an caah nawlnak le thlacamnak tuah hlah, keimah zong kha ka nawl len hlah; zeicahtiah na bia cu ka ngai lai lo.
  • 🌷 Jeremiah 7:17 Judah ram chung khua hna le Jerusalem khua chung lam hna ah khan zeidah an tuah kha na hmu lo maw?
  • 🌷Jeremiah 7:18 “Ngakchia nih thing kha an khawmh, an pale nih mei an kau i nu nih changvut cet an nen i vancung bawinu caah changreu thlum an ser, cun thlet thawinak kha pathian dang hna sinah an pekchanh — hi vialte hi keimah thin hunter awk caah an tuahmi a si. “

Helena nawl peknak in Constantine nih Khrihfa Zalennak a Pek (AD 325)- Rom Siangpahrang Constantin cu a hringtu a Nu HELENA nih Khrifa Zumtu hmasa Vialte cu thahnak le hremnak tuah ti lo dingin nawl a pek. Zeica’h tiah ka fapa Constantine nangmah hlan ah Rom Siangpahrang Vialte nih Khrihfa Zumtu Vialte cu an hrem hna, an thah hna i an inn le lo vialte an hrawh piak dih hna an ci hmih an timh peng ko nain an rak hlawhtling kho ti lo. Cucaah Khrihfa hrem le thah cu Tiva luanglio mi Vainam in tuk he aa lo, Tiva cu a cat kho bal lai lo a rak ti.

Cucaah Constantine nih a nu chimh cawnpiaknak cu a zumh i zeibantuk Lam in dah Khrihfa Zumtu vialte cu keimah lei ah ka hruai khawh țhan hna lai tiin ruahnak phun phun hmangin LEM hram a thawk hna. Rom ram nichuah chaklei Vialte a Uktu Rom Siangpahrang LICINIUS he MILAN KHUAPI ah tawnnak an rak ngeih hnu ah nawlbia thar Zulh ding an chuah cawlh. Cu Nawlbia cu Milan Khuapi min chuankhan in ” MILAN NAWLBIA “(Or ) milan upadi tiin min an pek. Cu Nawlbia thar hna cu:

  • 1). Rom ram chungah zei biaknak paoh biak khawh a si.
  • 2). Khrihfa zumtu Biaknak cu Rom mi hna biaknak he aa tluk in pawm piak a si.
  • 3). Khrihfa zumtu si ruangah hremnak le thahnak a tawng mi Vialte cu Rom Cozah nih Phaisa chawva in cham ding a si.
  • 4). Khrihfa zumtu si ruangah hremnak a ing mi le an sungh zatlak mi Vialte cu Rom Cozah nih rulh țhan dih ding a si.
  • 5). Khrihfa zumtu cu Rom mi sinak in cohlan a si cang caah Cozah rianțuan khawhnak nawl pek a si.

Rom cozah Constantine nih AD 312 ah MILAN NAWLBIA an chuah mi nih hin Khrihfa Zumtu Vialte cu an lung a lomh ter ngai ngai hna. Hmailei Chan ah Rap chiahmi a si te lai ti kha an rak hngal kho ve lo, a poi ngai ko hih.
Rom Cozah nih Khrihfa Tlangbawi pawl kha phaisa tampi an bomh hna i Biakinn țha țha le dawh dawh cu an sak piak thluah mah ko hna. Cule caangka in thiang thlarau ngei lem țung lo in Khrihfa Zumtu cu ni khat hnu ni khat in an hung karh thluah mah ko.

AD 312 , October 28 ah Constantine le a ralkap vialte nih Vailamtahnak cross lem cu țhi ah ii awih in MELVIAN COZAH cu an doh i an Siangpahrang MAXENTIUS cu an va tei. Vailamtahnak Cross Lem cu kan i awihnak thawngin ral kan tei hi a si tiin Cu ni thawk bak cun ROM COZAH ningpi in KHRIHFA BIAKNAK PHUNG CHUNGAH a luh pi dih hna. Thiang Thlarau Hruainak um lem lo piin ni khat thilthu ah Khrihfa biaknak phungchungah Rom rampi cu an lut dih ko. Rom Cozah nih upadi phungthar an chuah țhan mi cu

Khrihfa Biaknak phung chungah a lut lo mi paoh cu Cozah rianțuannak nawl an hmu ti lai lo an ti. Rom mi nih cun Khrifa biaknak cu an duh lo tuk nain Cozah rian in an kan phuak sual lai ti țih ah an luh dihnak hi a si.
Constantine le Pope Sylvester (1) nih AD 325 ah Nicaea Council meeting ah phunglam upadi a thar an chuah țhan.

The feast of Tabernacle Ethanim 15 (Lev.23:34) Yahshua Messiah (Jesuh Khrih) chuahcam cu Tammuz Chuahcam Thlahranak Dec.25 Xmass ni ah an thlen țhan caah Khaihfa Tlangbawi pawl cu hmaichia in an um țhan. Cun Ros Hasanah Bible New Year Ethanim (1) ni (Lev.23:24-25) cu Thla hleikhatnak Janus pathian philhlonak i tuah mi January (1) ah kum thar cu an hun thlen țhan, Khrihfa Tlangbawi pawl cu hmaichiatnak long si ti loin a țah bak in an țap ko cang.

Khahlan Zumtu le Khrihfa hmasa vialte hna an rak țahnak le hmaichiatnak vialte cu tuchan Khrihfabu le Zumtu vialte nih Khrihfa hmasa nih an rak tawn mi thil sining vialte cu hngal ve ti loin lunglomhnak le Nihnak puai ah an hman ko cang, a poi tuk khi a si,(Rom 11: 9-10).

Yahshua Messiah nih Marka 7:7 -8, “Annih nih minung serchommi nawlbia kha Pathian nawlbia taktak bantukin mi an cawnpiak hna caah An ka biak hi an caah zeihmanh a ṭhahnem lo,’ a ti. “Nannih nih cun Pathian nawlbia kha nan chiah riangmang i minung cawnpiaknak tu kha nan zulh deuh,” tiah a ti hna.” Hi Cathiang tlinnak ah Nihin Zumtu le Khrihfabu vialte nih minung serchom mi puai le ni zarh cu ulh piak le Zulh a si ko cang. YahUah Elohim nih fiannak thluachuah in pe cio ko hna seh. Credit: Rabbi Ephraim Lian Rum Beth Israel CMC, Kalaymyo

Author: admin