June 19 UN Zung Pawngah Ah Fak Tak Tak In Thil Puah Thawng Theih Asi

Yangon khuapi gandawkyi, natmauk lam, i aum mi un zung pawngah june 19 zanlei ah fak ngai in apuak tiah theih asi. atu tiang thawngtheih khawh tawk cun motor pakhat apuak i minung pakhat ahliam tiah theih asi.

atu ah sac ralhrang an ra i check hlat nak an tuah cuahmah lio asi. gandawkyi lam pawng ah hin japan tanzung le un zung hna an um i atu thil a puah nak hi un zung pawng te ah asi tiah theih asi.

Thawng pang dang relchap…S.korea cozah nih cun mipi dawtnak zawnruah nak in myanmar mipi harsa caah bawmhnak ting 9 cu unocha sinah a pek. UNOCHA hi atu lio myanmar ram chung  dirhmun in mi harsa le bawmh aherh tu mi pawl bawmh nak ape lengmang tu an si.

Atu tan hi s. korea nih myanmar ram a buai hnuah bawmhnak tangka a pek voi hnihnak a si cang i, hmasa deuh ah khan us dollar ting 6 cu myanmar mipi harsa caah a rak pek cang. tutan i bomnak tangka ting 9 cu ram buainak ruang ah inn chuahtak in ralzam pawl caah an pek hna lai nak  cu UNOCHA nih  cun theih ter an tuah.

UNOCHA nih cun myanmar ramah inn chuah tak in mipi tamtuk an um cang i an caah bawmhnak thilri, ei le din le tangka tampi an herh chap ri lai tizong an chim rih.

A tu i dirhmun ning in cun  myanmar mipi harsa caah hin bawmhnak tangka $276million renglo an herh rih lai cu caah hi pek khawh cio ding in vawlei cung ram pical pawl cu an sawm hna. Source Khit thit media

Author: admin

Leave a Reply

Your email address will not be published. Required fields are marked *