June 22 Mandalay-PDF Le SAC Ralhrang Kahnak Kong Update

Mandalay ah Inn pakhat ah SAC ralhrang hna nih tuzing June 22 ah khan an luh hnawh  nak in kap hnih kahdohnak achuah hi asi. Kap hnih kahnak achuah caah SAC ralhrang lei motor pawl cu pakhat hnu pakhat in antha zaang an rak I chap.

SAC ralhrang nih hin sniper an hman, cu mipi bantuk in an I thuam I meithal an I ken ve tiah khuachung mi nih cun achim. Mandalay PDF nih nihin in kah kan thawk , kan hngah mi ni le can cu kan phan cang tiah social media cahmai ah an tial.

Cun atu ah SAC ralhrang motor pawl cu lampi ankal pah in meithal an kah pah cuahmah.  Kaphnih kah nak si ti loin  an hmuh mi paoh an kah cang.

Cun mipi zong leng ah aho hmanh kan chuak ngam ti lo. SAC ralhrang lei an thazaang dihlak in an chuak cang ti awk in an si cang. Hmun kip ah bomb a puak cang i hmunkip ah hnawkcuar in aum cang ko.

SAC ralhrang hna nih hi mi sawh sawh le an hmunh mi ming poah in ankah ko cang hna tiah Mandalay kah nak achuah nak hmun hrawng I aum mi pakhat nih cun achim.

SAC ralhrang hna cu mipi bantuk in I thuam in sang kip ah hmunhma an la cang i mipi he cawhlolh in an um cang tiah khuachung um mi nih cun an chim.Atu ah ralhrang pawl cu thirkham mi motor he khuapi kip ah an vak cuah mah ko ti asi. Source BBC/Khit Thit Media

Author: Main Editor

Leave a Reply

Your email address will not be published. Required fields are marked *