Kalay Thlanglei Kahdoh nak thawngpang Update

November ni 3 Kalaymyo thlang lei I aum mi hna Natchuang, khua pawng hrawng ah ralhrang hna le PDF kalay hna kahdoh nak ah ralhrang lei athi mi an tam i, hliamtuar zong an tam tiah theih asi. Ralhrang lei nih hin an kah hmasa hna i, PDF pawl hni tlawmpal hnu leiah an kir, cun ralhrang hna nih hin, Inn pawl mei an duah hna i, Chaungkhua ah Inn 2 akang.

Kahdoh nak chung ah hin PDF lei cu aa hliam mi kan um lo in, ralhrang lei hi tlawmbik sawmli an thi lai I hliam tuar tu cu an tam ko tiah Kalay PDF rian ngei pakhat nih cun achim. Kalay thlanglei i pawngkam khua pawl hna cu ralhrang hna le PDF pawl Nov 2 i an I kah hnu in ralhrang hna nih hriamngan in an kah hna caah an khua an tliktak dih tiah khuami sin in theih asi. Natchaung, Nanmuang, Chuangkhuah, hrawng hi hriamngan in an kah mi cu khuachung in lak ah an tla hna i khuami athi mi zong an um len tiah khuami hna nih cun an chim. Ni hin kahnak hmun ah him ralhran lei nih Hriamngan ( missile) lawng te voi 50 leng an hman tiah theih asi.

Chin Ramkulh Kanpelet peng chung CDM le Non CDM cazin cu November ni 10 ah a hnu bik thanh nak kan tuah lai, Non CDM pawl cu dan kan tat cang hna lai tiah Kanpelet CDF nih an chim. Hi bantuk phunglam kan ser tik ah Vawlei cung upadi he a thlak ning le Chin miphun nunphung he a tlak ning in Mifim thiam hna nih a kan tel pi tiah an chim. Fimcawnnak zung nih CDM le Non CDM cazin a thanh mi ah CDM a tuah mi nih nan min a tel le tel lo tha te zoh ding in CDF Kamplete nih ralrin nak an pek hna. CDM tuah mi pawl i let than ding in hram hram in a fial tu Ralhrang misa pawl nan min kan in theih dih hna, kan in hmuh hna nak poh ah kan in fimtawl cang hna lai tiah CDF Kanpelet nih cathanh an chuah.Yangon Tanlan ah Mawtaw PK 3 meithal in an kahthah hna: Yangon Ramthen Tanlan peng ah Nihin chun ah mawtaw PK 3 cu Tanlan Mizapi vengtu Ralkap nih an kahthah hna tiah thawng kan theih.November ni 3 chunhnu suimilam 1:30 hrawng ah Tanlan peng, TilahWa Sehzung pawng AungTaPyi lam ah mawtaw le cycle a chawk mi cung ah sual ngai in tangka an chuh hna, mawtaw an chuh hna caah,Tanlan PDF nih kan kahthah hna tiah an chim. Mawtaw PK pathum thah an ton hnu in Lam an phih chek hlet nak an tuah len tiah Tanlan um mi pakhat nih Mizzima ah achim.

Nawlngeihnak lak hnu in Kayah (Karenni) Ramkulh Chung Kahdohnak Voi 99 A Chuak: Ralhrang nih nawlngeihnak a laak chungah Kayah (Karenni) ramkulh chungah Febuary 1 thokin October  31 tiang, kahdohnak voi 99 a chuak, Kahdoh nak ruangah mizapi 99 an nunnak a liam cang, culeng ah mizapi 159 tlaih an tong tiah PKPF Information Centre nih November 2 ah cathanh an chuah.PKPF Information Centre nih kum 2021, November 2 ah cathanh an chuah ningin, ralhrang nih nawlngeihnak a laak ni Fenuary 1 thokin October  31 tiang, Kayah (Karenni) ramkulh chungah kahdohnak voi 99 a chuak i, mizapi 99 nunnak a liam, minung 159 nih tlaih an ton lengah minung umnak inn 376 an rawk dih tiah theih asi.

Ramkulh chung kahdohnak caan chungah KNDF, KA ralkap lei in 30 an thi i, nawlngeihnak latu ralhrang lei in 399 an thih lengah nawlngeihnak latu ralhrang motor 19 an rawk  tiah theih asi. Ramkulh chung kahdohnak ahhin ralhrang nih hriamngan lawng te ningcang loin a hman i, kahdohnak a umlo zongah khuachung ah hriamngan in an kah lengmang ruangah minung umnak inn tampi le khuami hliamtuartu tampi an um.

Ralkap nih nawlngeihnak laak hnu in Kayah (Karenni) ramkulh chungah kahdohnak cu ralhrang nih an tuah lengmang ruangah khuami mizapi hna cu a himnak hmun ah an zaam tiah theih asi.

Author: Main Editor

Leave a Reply

Your email address will not be published. Required fields are marked *