Kalaymyo I Covid Zawtnak Cu SAC Ralhrang Nih Ankarh Ter Mi Asi Tiah An Lung Hrinh Hna

Atu lio Kalaymyo cu Covid zawtnak nih aden cuahmah i nifatin in Covid zawtnak aa kai mi an tam chin chin I covid tiah lunghrinh in athi mi nikhat ah 10-15-20 leng an um lengmang.

Atu batuuk in thawkhat pi in Covid 19 zawtnak a karh cawlh mi cu kan rampi a buai ruang I mipi abu bu in kan um le kan cawlcangh ruangah asi ko lai tuah ruahdamh cio asi.

Asinan, July 6 ah khan Journalist pakhat asi mi Mratt Kyaw Thu nih a facebook page ah ca a thlah mi nih cun mi tampi ruahnak athlen. Hi bantuk in ca katial mi cu tha tein dothlat nak ka ngeih fiang hnu ah ka tarlangmi a si tiah MKT nih cun a ti.

Journalist pakhat asi mi Mratt Kyaw Thu nih mipi ruahnak thlengdih lakin atial mi ca cu atang lei bantuk in asi…  Monywa ah Red Cross (ကြက်ခြေနီ) hmanthlak aa benhmi motoe le mipi sawhsawh thilpuan aa hruk mi pawl phurtu ralhraang motor an hmuh tiah, June 11 i ca ka thlah mi kha nan thei rih ko lo maw? Mithmu tu pawl nih cun atlawm bil motor  6 cu an si lai tiah an chim.”

Kha motor pawl kha an dihlak in Kalay lei ah an kai. Ralhraang motor he tha tein in cawngh in Kalaymyo lei ah akal mi asi {(red cross) benhmi motor kha}. Cu ni June 11 thawk in SAC ralhraang pawl cu Kalaymyo ah Covid 19 he pehtlai in cawlcang nak an nei cawlh. A tu July 6 kan tiang hi thlakhat deng arua cang tiah Mratt Kyaw Thu nih cun a tarlang.Achim duh nak cu SAC ralhraang pawl nih Kalaymyo ah a thli tein Covid zawtnak hrik an karhter a si kho tiah a ti duhnak a si. Hi bantuk in caa a post mi cu a share mi an tam i 13,000 leng nih an I share. Hi aa share tu pawl I comments zoh tik ah SAC Ralhraang in zawtnak hrik hi an karhter mi a si a titu an tam.

SAC Ralhraang cawlcang nak he pehtlai in hmuh ton mi tampi ka ngei cang a ti tu pakhat nih cun 90% hi cu asi kho mi asi ko tiah ati ve. Zei ruangah ti ah cun Ralhraang doh dingah khuapum huap in acawlcang hmasa bik mi cu Kalaymyo hi an si. An ral a ṭha i Kalymyo peng hmun tampi zongah ralhraang an doh le hna.An mah Kut tein serchawm mi Lai meithal tein lampi kham in an rak kah ngam hna. Cun Khuami kut tuar in Ralhraang a thi mi zong an tam. Cu bantuk a si tikah SAC ralhraang nih hin cun an zenh deuh cang i fawi tein ral tho than khawh ti lo ding in zawt nak hrik tuhi an karh ter zong a si kho.

Keimah pumpak ruahnak cun 90% hi cu ralhrang tuah mi asi ko tiah ka zumh ti in a ti ve. Biakilh; Hi cabia cu FOM nih an tial mi chung in lak chim mi asi.

Author: Main Editor

Leave a Reply

Your email address will not be published. Required fields are marked *