Khuami Le CDF I Bawm In Ralhrang Ceilak An Thah Hna

November 6, 2021 Ahkhan khuami le CDF-Mindat an I bawm I ralhrang motor cu lai meithal bak in apawng tein an va kah hna I cu ah cun ralhrang minung 8 hrawng an thi I minung tam ngai nih hliam an tuar.

Ralhrang hna nih hin aluan cia zerh ah khan an rak kai lio ah lam pawng I aum mi khua hna nih an zuat mi Sia le vok, Ar pawl cu an thah hna I an ei hna, Inn le Lo an hrawh hna I an thilri vial te an fir piak dih hna.Cu ruang ah cun khuami pawl hna nih hin atu bantuk ralhrang doh ah hin an I tel hi asi. Meng tung 31 lawnh ah ralhrang ruak athu nam cia mi pakhat lawmpawng te ah an phum hnmuh asi. Cun nihin Nov 7 ah Meng tung 26 zawn hrawng ah kahdoh nak voi 2 achuak I zing ah voi khat chun hrawng ah voi khat I kah nak achuak I ralhrang lei 20 hrawng an thi tiah thawng thei a si.

Nizaan November 6 ah Hakha, Dauchim lam ah SAC ralhrang nih kum 50 a simi pa pakhat an kah caah hliamhma a pu, tiah thawng kan theih. Nizaan zinglei sml. 9:45 hrawng ah Khuangthlak chak ah an i kap. Sml. 11:00 hrawng ah SAC ralhrang pawl nih Dauchim lam in an hngah i an hmuhmi paoh an tlaih hna. Meithal in kah a tongmi pa hi motorcycle hnulei ah aa pherhmi a si.SAC ralhrang pawl nih lam an conghmi an hmuh tik ah an lau i cycle an mer than. Mah lio ah cun an kah hna i a ttawk ah an khen,” tiah khuami pakhat nih thil sining a chim. Meithal in kah a tongmi pa hi a hliamhma he a zaam kho. Dauchim lam ah SAC ralhrang nih an hmuhmi paoh an tlaih hna i pa 19, nu 6 le ngakchia 3 tlaih an tong, tiah a cunglei khuami nih a chim.

Hakha Haithlan ah Kawl ralkap nih bomb le meithal an puah, khuami 2 an tlaih hna; Nihin November 7 zaan lei suimilam 3:30 PM hrawng ah Ralhrang nih Hakha Haithlan ah meithal le Bomb an puah tiin khuami pakhat sin in kan theih. Dalaan nih Haithlan ah CDF an um tiin a chim hna caah Ralkap an ra. A ra mi an tam ngai. Meithal tamlak an puah.Bomb voikhat an puah. Khuami pahnih an tleih hna. Tin Tin Pa te inn zawng an bauh i thilri zawng an lak” tiah khua mipakhat nih The Chin Post ah a chim. An tleih mi hna pahnih cu ho an si theih asi rih lo. 3:30PM hrawng Hakha thar lam ruk ton nak zong ah Ralhrang nih meithal an puah sawh sawh tiin Hakha thar khuami pakhat sin in kan theih.

Author: Main Editor

Leave a Reply

Your email address will not be published. Required fields are marked *