KIA Hmunpi (Headquarter) Luhnak An Khar

Kachin ralkap KIA pawl an umnak hmunpi a va lut mi pahnih sin in covid 19 hrik an hmuh hna caah an umnak hmunpi luhnak Gate cu khar asi rih tiah mipi mipi sinah theih ternak an tuah.

Hi bantuk in an umnak hmunpi luhnak an khar mi cu covid 19 zawtnak chungin kan him khawhnak dingah a si tiah KIA lei nihcun an langhter i, atu dirhmun zongah covid 19 hrik akai mi minung20 hrawng an um cang ti mi thawngzong an langhter chih. Curuangah Laiza le Maingjayan i an umnak hmunpi cu aho hmnah luhter rih lo dingin an phit.KIA ralbawi Hein Wong nih “lamhla in kan sinah a ra mi khual pahnih cu covid 19 hrik an ngeih le ngeih lo kan check hna i covid 19 hrik a ngei mi an si kha fiang tein alang. Cu ruangah kan hmunpi cu kan khar rih i covid 19 phung le phai zong felfai trin kan tuah cang, tiah Kachin hram bunh thawngpang thanh nak ah achim.

A tu lio cu Myanmar ah fak tukin covid 19 zawtnak akarh i khualipi Yangon le Mandalay pi hna zong ah Oxygen an i zaa lo i fakpi in buai nak an tong hna. Cu caah mahtein ralrin thiam ngai zong abiapi tuk mi dirhmun ah kan um hna i, zawtnak kai sual ah cun zohkhenh dingah ahar ngai ngai mi asi. Ralrin cio hna uh sih lungrei thei lo tein um I zuam, rawlei khawh chung in ei I mitku cim tein it hna hi abia pi tuk mi asi.

Author: Main Editor

Leave a Reply

Your email address will not be published. Required fields are marked *