KIA Nih Ralhrang Sakhan An Luh Hnawh

 Phakan myone Nansing khuapawng ah aum miralhrang sakhan pakhat tu November 13, 2021 zanlei sangah KIA nih an valuh hnawh I an khah hna tiah theih asi. Atu I KIA nih an va kah mi sakhan hi hlan deuhah an mah KIA sakhan thing asi tiah sakhan hmunhma kiangkap I a um mi minlanghter aduh lo mi pakhat nih The 74 Media sinah achim.

KIA nih an kaltak cang mi sakhan ah hin ralhrang pawl nih hmunhma an lak I, cu hmun cu KIA le PDF nih an va luh hnawh i an va ting t ting than hi asi tiah theih asi. Kahdoh nak hi afak khorih tiah an chim. Nansing khuapawng i ralhrang sakhan ah hin ralhrang hi minung 70 hrawng an um nak sakhan asi tiah khuami sin in theih asi.

KIA le PDF nih hin ralhrang sakhan hi an lak tiah khuami nih cun an chim ko nain The 74 Media nih cun kan dothlat cuahmah lio asi. Cun atu tan kahdoh nak hin hriamngan thawngpang zong kan theih len tiah khuami nih cun an chim.

An I kah hi zanlei suimilam 4 le cheu hrawng in aathawk i zanlei suimilam 6 tiang an i kap, cun khua pawl cu an hrawk mi aum lo khuami sin in theih asi. November 11 lio zong khan KIA le phudang bawm in ralhrang he kahdoh nak achuak I, ralhrang tilawng aacit mi in minung 3 le tilawng mawng tu pakhat hriamngan in an khen hna i an thi tiah theih asi.

Atu ah cun KIA hi an mah lawng si ti lo in PDF pawl he an tan tti nak hmun atam cang, ralhrang hna hi hmun kakip ah nifatin ti awk in an nawn cuahmah cang ko hna. Source; The 74 Media

Author: Main Editor

Leave a Reply

Your email address will not be published. Required fields are marked *