KIA Pawl Nih Ralrin Nak Cathanh An Cuah Ning In An Tuah Cawlh

Kata in Shweku lei ah a rak kai mi tilawng pakhat cu Saihta a phanh suimilam 12:53 ah KIA nih an kah tiah thawngtheih asi. Mah tilawng cung ahhin ralhrang rallokap an i cit ruangah KIA nih an kah nak hi asi.

Kaphnih i kahnak a chuak i,hliammi le a thimi fiang in theih asi lo. I kahnak ah tilawng cu a kang tiah theih asi. KIA tatyin (11) le tayin(45) hna nih ralrin nak cathanh le tha tein in mipi thei ding ah an chuah cang in a tu ah an thanh bantuk tein an tuah colh ve ko hi. Credit 7stars NewsThawngpang dangdeu…Kachinram kulh ah Oil aphur mi Motor Akang; Kachin ramkulh Chipwe  peng ah nihin June 26 chun sml. 2 luan hrawngah  Oil a phurtu motor pakhat cu mei akang tiah theih asi.

Chiphwi  le Panwa lam I meng 4 gate ti mi ah Oil motor cu attum lei ah lamthlang hawrkuang ah atla in akang tiah mit hnu tu pakhat nih The 74 Media sinah achim.

Hi motor cu arak ttum lio ah hin a speed control khawh loin hawrkuang ah atla I akang colh tiah achim chap. Motor akhaal tu pa cu motor hawrkuang lei atlak lio ah hin azuangmanh I motor hnuzul pakhat tu cu motor ah atang I lungfim loin aum tiah ati. Kachin ram chungah hin ralhrang uknak an lak hnu in Oil (datsi, diesel , etc…) pawl aphur tu hi an tam chin chin. Source The 74 MediaThawngpang dang…PDF Le NUG Cu Ningcang Tein Pehtlaih Nak Kan Ngei U Lwin Ko Lat NUG ; Atu Myanmar ram chung hmun kaakip ah mipi vengtu bu (people defense force) PDF cu an dirh dih cang.

Hi PDF pawl hi NUG nih hin zei tin dah nan dirhkamh hna maw? Raldoh nak lei ah zeitin dah nan bawmh hna lai  ti mi BBC nih biahal nak ah NUG nih leh nak an tuah hna.

Mipi runveng tu PDF le ralhrang hna karlak ah kah nak achuak cu aum pah lengmang, cun a nai bik ah Mandalay I PDF umnak inn ah ralhrang hna nih an luh hnawhna I fak ngai in kahdoh nak zong achuak.hi kahdoh nak kong cu fiang tein chim nak angei lo nain, NUG chungte pakhat asi mi U Lwin Ko Lat Nih Ni nga ni I online press an tuah nak ah atu bantuk in leh nak bia achim.

PDF hna he hin ning cang tein pehtlai nak le riantuan tti nak kan ngei, atu I acang cuahmah  mi kah doh nak hi Mipi vengtu nih an kal pi cuahmah mi tu asi tiah U Lwin Ko Lat nih a chim. Source BBC

Author: Main Editor

Leave a Reply

Your email address will not be published. Required fields are marked *