KIA Sakha Ralhrang Pawl Nih Jet Vanlawng In Bomb An Thlak Than

 Kachin ramkulh Moe Nyin pengah Nov ni 15 zinglei ah KIA sakhan pakhat cu ralhrang hna nih Jet vanlawng 2 in bomb an thlak tiah khuami sin in afak mi thawng theih asi tiah Yangon Khit thit Media nih cun atial. Thawng pe tu nih achim ning ah cun Jet vanlawng zuan thawng kan theih i tlawmpal ah bomb thawng kan theih cawlh,

tlawmpal ah KIA sakhan an kah tiah thawng kan theih cawlh nain minung akhen mi le athi mi kong cu fiang tein kan thei lo tiah ati. Cun atu an kah mi sakhan ah hin minung an um le um lo zong theih kawh asi lo tiah achim chap. Cun nihin Nov 15 chun sml.2 hrawng ah khan Mawtheiah sakhan cu PDF nih mei in an khangh I Palek in gate an cawnghnak hmun 3 zong an khangh chap tiah theih asi.Kan hnu deuh te zong ah khan. Kachin ramkulh Phakhan khuapi ah KIA Le Ralhrang Kahdoh nak ah  Ralhrang Nih Raltuknak Vanlawng Jetfighter an hman than tiah theih asi. Nihin November 14 zinglei sml. 7 hrawng in Phakan myone chung i aum mi ralhrang sakhan 3 cu KIA nih voikhat ah an luh hnawh I an kah hna caah kahdoh nak faktuk in achuak I SAC ralhrang hna nih Jetfighter in an kah hna.

SAC ralhrang sakhan pawl an kah hna hnu Sml. 2 arauh ah khin Jetfighter in an rak bawmh hna hi asi, asi nain kahdohnak kongkau dikhliar in thawng kan than kho rih lo tiah KIA chim nak nawl ngei tu Col., Naw Bu nih cun achim. Tuzing sml. 7 ahkhan ralhrang sakhan pa 3 kan kah cu hnu ah Jetfighter in an rak bawmh hna I an kah kah ti tiang lawng hi thawngpang arak kai rih tiah achim chap.Cun Phakan in Chaklei meng 10 ahlat nakah tuzing thiamthiam ah kahdoh nak achuak i SAC ralhrang sakhan Aungliang sakhan, Saicia sakhan hna cu KIA nih an lak tiah Phakhan um mi pakhat nih cun achim. Hi I kah nak ah ahin SAC ralhrang lei athi mi an tam I an hriamnam zong tam ngai an piak hna. KIA nih SAC an sakhan an  lak lio ah hin hmun I aum mi SAC ralhrang hna nih hna hriamngan(miakpi) in an rakbawmh hna hnu ah, atubantuk in Jetfighter hmang in an rk bawmh hna hi asi.

Author: Main Editor

Leave a Reply

Your email address will not be published. Required fields are marked *