KNU le ralhrang i kahnak ah ralhrang lei a thi mi cazing langter a si. Ralhrang lei a thi mi an tam ngai

July thla chung ah KNU brigade 1 le ralhrang phu kar ah kahdohnak voi 22 a cang, ralhrang lei in minung 53 an thi. KNU brigade 1 hmunhma Doetathung(ဒူသထူ). pengkomh chung ah July thla, thlakhat chung ah kahdohnak voi 22 a cang tiah theih a si. Ralhrang phu lei in minung 53 an thi i,

minung 39 cu hliam an tuar ,KNU brigade 1 in minung pakhat cu ram le miphun caah a nunnak a pek tiah theih a si.

Ralhrang phu lei in minung pakhat nih brigade 1 sin ah a sung pek in a hriam a chiah cun M-16 pakhat le 9MM pahnih cu KNLA (brigade -1) nih an lak khawh, ralhrang motor pahnih zong hrawh piak an si

Ramkulh chung kahdohnak ah ralhrang lei in a thi mi an tam, ralhrang kut tang um mi GE ralkap,sii lei ralkap,ti lei ralkap hna zong hmai ah an fon ter hna tiah ralhrang phu hna he a pehtlai mi sin in theih a si tiah Bago watch new agency nih a tial. Crd-TCP

US ah U Kyaw Moe Tun Thah Ding in Mi an Hlan.. Myanmar ram aiawhtu UN palai a simi U Kyaw Moe Tun thah ding in US ah a ummi

Myanmar rammi pakhat an hlan, tiah Reuters thawngzamhnak nih a ttial. New York ah a ummi bu pakhat nih U Kyaw Moe Tun thah ding in Myanmar rammi pa an hlan hi a si.. Asinain, an hlanmi pa nih U Kyaw Moe Tun cu thah loin a thli in a pehtlaih in thah ding in an hlannak kongkau a phuan dih, tiah Reuters nih a ttial. RFA nih, “U Kyaw Moe Tun thah ding in an hlanmi pa cu FBI nih an kalpi cang.

Hi Myanmar rammi pa hi US ah Visit Visa in a rak rami a si i, US ram ah i dor thai ding in a sokmi zong a si,” tiah a langhter ve.

Hi kong he pehtlai hin RFA nih U Kyaw Moe Tun pumpak an pehtlaih i bia an hal nain “FBI nih an tawlrel cuahmah lio a si caah keimah pumpak nih dikthlir in chim awk a ttha rih lo. Anmah US cozah lei zong nih thawngpang an chuah rih lo tik ah ka theithiam rih ko u,” tiah a leh hna. U Kyaw Moe Tun nih, “Na nun a him lo tiah thawng cu an ka thanh. Palik nih hlathlainak an tuah cuahmah lio a si.

Keimah pumpak nunhimnak zong palik nih ttuanvo an lak ko,” tiah Reuters thawngzamhnak ah a chim.

Reuters thawngzamhnak nih FBI sin ah Email in bia an hal nain FBI lei nih, “Mah bantuk nunhimnak lei ttuanvo laknak kong cu mizapi sin ah dikthlir in kan phuang tawn lo,” tiah an leh. U Kyaw Moe Tun cu SAC nih uknak an lak hnu ah UN ah SAC aiawh loin Myanmar rammi aiawh in kut zung thum thlir buin bia a chimmi kha a si. TCJ

Author: admin

Leave a Reply

Your email address will not be published. Required fields are marked *