KNU Nih An Kuttang KNDO I Ralbawi Rian An Phuah Mi Kong Ah Mipi An Lung Tling Bak Loh

 Karen ramkulh Wailay myone Kane Lay khua pawng i mi 25 thih mi kong ah KNU  nih cun an kut tang i KNDO ralbawi pahnih Saw Nedar Mya le Saw Bwar cu hremnak an pek hna i ralbawi an sinak in an dinh chung rih hna.

Kane Lay Khuapawng i minung 25 an thih ruangah hin buaibai nak achuak i, hi minung 25 athat tu cu KNU kut tang i aum mi KNDO le Ralhrang cu an mah le mah an puh.

Cu ruangah cun KNU nih hlathlai nak an ngei i an ralbawi pahnih Saw Nedar Mya le Saw Bwar cu dantat nak an pek hna. KNU nih an kuttang i a um mi KNDO ralbawi pahnih dantat nak an pek mi hna hi mipi ruahning lotuk asi i KNU cawlcangh ning hi  lungtling lo mi an tam.Zei ruangah ti ah cun, athi mi minung 25 pawl hi KNDO umnak ngat in athli tein  an cawlcang lengmang ruangah KNDO nih an tlaih hna i, ralkap mingiatu (thohhlanyi) an si ruangah kan thah hna. Kha ti khan umter lengmang hna uh si law, kan umnak an theihfiang tuk cang i kanmah lehlam tu kan cimit ko in an kan tuah kho.

Cun cheukhat hna kha cu kan mah nih kan thah mi an silo ralkap nih bomb an kan thlak hnawh lio ah khan athi mi an i tel  tiah KNDO ralbawi dantat mi lakin pakhat deuh Saw Bwar nih cun a rak chim fiang cang.Asi nain, athi mi minung 25 pawl kha mipi sawhsawh hlei a tuahtu  an si, KNDO nih an tlaih hna hnuah adik lo tukin an thah hna, Curuangah tha tein dothlat ulaw nan phung ning bantuk in dantat nak tuah hna uh tiah ralhrang lei nih cun KNU cu ca an kuat hna.

Ralkap cakuat ruangah KNU nih dothlat nak an tuah i dantat nak anpek mi hi cu mipi nih KNU cawlcangh ning ah an mawhthluk tuk hna. Hi bantuk  asi ah cun mipi tamtuk athat cang mi ralhrang pawl hi anmah le mah dantat nak an i pe ve maw? timi biahal nak atam.KNU kuttang um KNDO umnak hmun pawng i lamp thilhlei a tuah bantuk in aa um ter mi 47 cu June 13 ah KNDO in kan umnak  akan ngia thli lengmang tu an si tiin an rak tlaih hna i cu chung in minung 25 cu an thi.

KNDO lei nih cun an zapi tein ralhrang nih thlah mi an si dih tiah an ti. Asi nain ralhrang lei nih cun mipi sawh sawh  lam rian tuan tu le hlei adawn tu an si tiah an ti ve. Ralhrang  le KNDO an I elnak asau hnuah KNU in dothlat nak an ngei i atu bantuk in dantat nak an pek hna hi asi.KNU nih hin phung an  ngei mi cu mipi sawhsawh thah loding le buainak atuah lo mi mipi athah tu cu hremnak pek ding timi phung hi asi. Cu phung I tlaih cun KNU nih an kut tang i a um mi kNDO ralbawi pahnih cu dantat nak an pek hna i an sinak an lak piak hna hi asi

Author: Main Editor

Leave a Reply

Your email address will not be published. Required fields are marked *