KNU Nih SAC Ralhrang Pawl I Mipi Motor An Hman mi Cu An Khangh

Ralkap nih rampi nawlngeih nak an lak hnu in KNU le kawl ralhrang kahdoh nak afah bik nak hmun pakhat cu Karen ramkulh Phapun peng a si.

Cu ruangah cun KNU nih Phapun Ka-ma-maung lampi cu ralhrang pawl ei le din phuar kho lo dingin cansau non an rak phih. Cu ruangah Ralkap pawl cu ei le dinan  harsa cang i Thailand cozah sinah kutdawh i,

an ei din ding facang le thil dangdang cu Thailand ram lei in athli tein an lak lengmang. Thailand cozah hi KNU he zong aachawn i,  Kawl ralhrang he zong aachawn mi an si.KNU nih an rak kham lengmang mi Phapun lampi cu June 19 ah khan an on than. Cu le cangka cu, ralhrang pawl cu an thluak an chuah cawlh i ralhrang motor hmang duh loin mipi motor pawl cu an hman hna i an ei le din ding pawl cu athli tein anphuar lengmang.

KNU nih cubantuk an tuah ti thawngpang cu an theih i lampi in an bawh hna i mipi motor in ralhrang thilri le facang  arak phur tu motor cu an kai ngah.

An tlaih mi facang tampi cu anmah cung i ralzam pawl nih an herh tuk ko nain, ralhang pawl nih kan facang an fir tiah kan mah minchiat an kan zuar than lai thi an ruah caah, lamkam ah an khangh dih.KNU nih facang an khangh mi hi mipi ruahnung aadang cio bantuk in ei le din facang hna hi cu khangh loin anmah nih la ko hna sehlaw atha a titu zong an tam ve.

Asinan, ralzamcaah facang a rak khangh tu  ralhrang pawl an t ihram nakah an tua ve mi asi ko lai ati tu cheukhat KNU an tanh tu zong an um ve.

Author: Main Editor

Leave a Reply

Your email address will not be published. Required fields are marked *