Lih Chim Thiam Pa Zaw Min Tun Telh In Ralhrang Kuttang Riantuan 8 Cu EU Nih Dantat Nak Apek Hna

Europe ramkawm EU nih cun Myanmar ralkap kuttang i riantuan 8 le an ngeih mi chawleh nak pical 3 pawl cu June 21 ah dantat nak an tuah hna i, phihkhar nak an pek beh hna. Tu tan i dantat nak an pek hna hlan ah hin Ralbawi Min Aung Hlaing telh in ralkap tamtuk dantat nak an rak tuah cang hna.

A tutan ah dantat nak an pek i a phihmi pawl hna cu Home Minister ralbawi Soe Htut,Minister for Border Affairs Htun Htun Naung, Finance and Industry Win Sein,

Minister of Natural Resources and Environmental Conservation U Khin Maung Yi, Minister for Transport and Communications Tin Aung San,Attorney General of the Union Daw Thidar Oo, Ralbawi Aung Lin Htun le Ralbawi Zaw Min Tun pawl an si.

Atu lio dirhmun ah EU nih cun Myanmar ralkaphrang 43 pawl le anriantuan nak ngan 6 pawl cu dan tat nak pek in a phih piak cang hna. Dantat nak an pek hna I an phihpiak cang mi hna hi cu Europe ram chungah an kal  kho ti lo i, ramleng i an ngeihmi zong an tlaih piah dih hna.

Cu pinah Europe ram lei in bawmhnak zei hmanh an hmu kho lai lo i Europe ramchung i aum mi aho hmanh an pehtlaih khawh hna lai lo. dantat nak a tong mi chungkhar le an fanau pawl zong Europe chungah duhduh in an kal kho ti lai lo. source; BAP.

Thawngpang dang relding…Ming Aung Hlaing Cu Russia Ah mual Apho Cikcek KoRussia ram aphna mi ralhrang hruai tu Min Aung Hlaing cu Russia President Putin nih ton dingin timh tuah nak angei lo tiah theih asi.

Russia ram I hmunhim nak meting kaiding I a va phan mi Kawl ralhrang hruai tu pa Min Aung Hlaing cu president Putin  he tong ding an si lo tiah Russia cozah biachim naknawl ngei cu Dmitry Peskov nih cun achim.

Min Aung Hlaing cu Russia Security Council Secretary Nikolai Patrushev he lawng ah an I tong kho lai I president Putin he cun tonding in timhlamh nak aum lo tiah Russia cozah lei nih cun an chim. Min Aung Hlaing hi Russia ah Ni 3 chung tuah ding mi Hmumhim nak(security) meting kai in ding a va phanh tikah ma cozah lutlai pakhat bantuk hmanh in conglawmh arak tawng lo, vanlawng cung in arak ttum ah carpet (kawzaw) sen phah piak zong tong lo in zapi cit mi motor sawh sawh te khin an va lak.

NLD coza lio ah khan Russia president Putin nih hin kawlram pupi ruahnak pet u Daw Aung San Suh Kyi le President U Htin Kyaw he ton nak an rak ngei.

Author: Main Editor

Leave a Reply

Your email address will not be published. Required fields are marked *