MAH nih Kawlram UN palai U Kyaw Meo Tha a tim mi cu a tlamtling ti lo

U Kyaw Moe Thun Cu A Himnak Kongah Ralhrang Nih An Hrocer. UN ah Myanmar palai a simi U Kyaw Moe Thun cu a himnak kongah ralhrang SAC nih an hrocer tiah theih a si. Hihi tuzarh cawn nithum ni ah khan amah nih a chimmi a si. Atu bantukin hrocer a ton caah US Cozah nih runvennak tha deuh in an tuah piak cang.

Tuzarh cawn nihnih ni ah khan hrocer a ton hi a si i US Cozah nih an theih lecangka in palik nih runvennak tha deuh in an tuah piak colh tiah

U Kyaw Moe Thun nih Reuter ah a chim. Hi kong he pehtlai in US palik nih siseh, FBI nih siseh, amah Kyaw Moe Thun zong nih siseh thilsining fiangtein an chim lo. VOA

A dang: Rallokap pawl cu KIA nih bomb in an puah hna i minung 7 an thi 12 hliam an si. Shan chaklei Kwathkine pengkulh Ho Naung khua pawng mandalay le Muse kalnak lam cung ah rallokap bu pakhat cu KIA Batalion 29 nih tu zaanlei suimilam 1:30pm hrawng ah bomb in an puah hna i rallokap minung 7 an thi minung 12 leng an i hliam.

Shanchaklei, Mandalay- Muse lampi pawng ah rallokap le KIA,TNLA,MNDAA hna cu tu le tu an i kah nak a um peng ko.

A dang: Kalaymyo vanlawng bual ah rallokap 200 leng vanlawng in an phan. Kalaymyo vanlawng bual ah August 3 ah vanlawng voi 3 a tum,rallokap 210 hrawng an i tel.

Vanlawng cu zinglei suimilam 10 ah voikhat,chun 12 ah voikhat zanlei suimilam 3 ah voikhat a tum.Vanlawng pakhat ah rallokap 70 hrawng an i tel.

Rev.Dr.Pa Sang A Nunnak Liam.. Tuanbia roling cauk tialtu ls Yangon Bethany Theological Seminary Bible sianginn ngeitu Rev.Dr.Pa Sang (kum 72)cu tuzing August 5 zinglei suimilam 5:35 ah Yangon ah a nunnak a liam.

Rev.Dr.Pa Sang nih a riantlaih mi hna cu Founder & Former Principal, Bethany Theological Seminary, Yangon , Founder and Former President & GS Independent Presbyterian Church, Founder- Bethany Children’s Home, Founding member & Former President , Falam Pawlpi Yangon. Cre-TCP

Author: admin

Leave a Reply

Your email address will not be published. Required fields are marked *