Metawtalay ah Ralhrang pawl 20 tluk anthi,Asia lam kahdohnak zongah Ralhrang lei 10 tluk anthi

Kayin state, KNU tatmaha 6 hmunhma, Methawtalay ah ralhrang le KNLA pawl kahdohnak ah ralhrang lei 20 tluk anthi tiah KNLA nih Khit Thit Media ah anchim.Tuzanlei ah anruak laknak can kanpek hna i BGF pawl nih anruak cu anrak lak hna.KNU tatmaha 6 hmunhma, Dopalawng district chungah ralhrang le BGF fonh in KNLA le PDF cu nihin December 16 ah  hmunhma tampi ah an i kapthan hna caah ralhrang lei 30 tluk an thi tiah kantheih than.

Laykaw leiin ralhrang bawmding ara mi ralhrang motor pawl cu KNLA tatzin 18 le PDF nih lamah Bomh anpuah hnawh hna i ralhrang lei mimumg 10 tluk hliam antuar i motor pakhat zong anhrawh piak hna tiah kantheih.( ကော့ကရိတ်-မြဝတီ အာရှလမ်းမကြီ:) ah kahdohnak a fak chin lengmang kho caah lampi zulh rih loding in mipi zong KNLA le PDF nih ralring anpek hna.

(ကြာအင်းဆိပ်ကြီးမြို့နယ်) zongah ralhrang le KNLA karah zinglei 3:00 hrawngah kahdohnak achuak caah ralhrang lei 2 anthi i 2 hliam antuar tiah KO news nih atial. (ကြာအင်းဆိပ်ကြီးမြို့နယ်၊ ခလယ်တံခွန်တိုင်ကျေးရွာအုပ်စု၊ ပုလိန်) khuachung zinglei kahdohnak ah KNLA ralkap lei 1 ake ah hliamhma atuar tiah kan theih. Ref; Khit Thit Media. Video zohduh mi caah tangah link ah clik tuah in zoh khawh si

Thawngpang dang……….Chin ramkulh Mindat khua le a pawnghrawng khua ah nitin ngawt in kahdohnak a chuak than tiah CDF-Mindat nih cathanh an chuah. Nizaan December 15, chunhnu suimilam 1:30 hrawngah Maelaykung(မယ်လယ်ကုန်း) khuapawng ah ralhrang phu hna bomb puahhnawh an ton hnu ah, hramhram nawlngeihnak la tu ralhrang phu hna le CDF-Mindat, Yaw-PDF phufonh kar kahdohnak a chuak. Cu kahdohnak ah cun ralhrang lei thi an tam tiah theih a si.

Kaphnihkar kahdoh dih hnu ah Kyautthuh in ralhrang phu minung thazaang 100 hrawng cu bawmtu ding in an phan i Maelaykung (မယ်လယ်ကုန်း) khua ah umhmun an khuar tiah CDF-Mindat nih cathanh an chuah. Ralhrang phu le mizapi vengtu ralkap phu kar kahdohnak ah CDF-Mindat le Yaw-PDF in a thimi lehliantuar an um lo tiah an chim.

December 12, zaanlei suimilam 3:00 hrawngah Gyiyua(ကျည်းရွာ) le Laesaw(လယ်ဆော) khua kar ah kahdohnak voi khat a chuak. Minung thazaang 72 he hmunhma zohfelnak a tuahtu ralhrang phu hna cu mizapi vengtu phufonh nih a thli in an dohhna tiah theih a si.

A thli in kahdoh a tongmi ralhrang phu cu fak in hliamh an si caah ralhrang phu nih Laesaw (လယ်ဆော) khuachung ah luhhnawh in khuachung thil an hrawh hral piak hna. December 13, ni zinglei suimilam 11:00 hrawngah Laesaw (လယ်ဆော) khuapawng ah ralhrang phu le mipi vengtu ralkap phufonh kar kahdohnak a chuak than, cu kahdohnak ah cun ralhrang lei in minung 10 nak tlawmlo an thi. Cun ralhrang nih khuachung mi hna sin in an firmi thilri hna cu an lakkhawh than tiah theih a si.

VIDEO ZOEHNAK

Author: admin