Mike Pence nih President BIDEN cu Supreme Court ah Tazacuai Ko Cang Hih

US hi a buaithlak chin lengmang cang ko, mi tampi nih mah le pumpak duh thimnak a si, US hi pumpak zalonnak ram a si caah mi pakhat nih a duh lo mi kha hram hram i thil va tuah ding in US President zong nih mi pakhat cungah nawl a ngei lo ti hi an lungput a si caah President Joe Biden zong nih nan chungkhar caah le nangmah pumpak himnak caah Covid sii i chun dih u tiah a aupi lengmang.

Covid sii a chun lo mi pawl cungah dantatnak ka tuah lai tiah nawl a chuah mi cu former Vice President Mike Pence nih Supreme Court ah taza a cuai i, mah bantuk in companies minung 100 leng rian tuannak ah Joe Biden nih vaccine mandate hmang a tim mi hi US phunglam a buar tiin Supreme Court nih Joe Biden nawl chuah mi cu ngolter ding in a nawl i, former Vice President Mike Pence hi mi tampi nih an dirkamh.

former Vice President Pence le a nonprofit, Advancing American Freedom (AAF) nih US supreme Court sin ah Joe biden nawl chuah mi cu ngolter i, rian tuantu pawl cungah zeihman harnak le buainak Joe Biden admin nih an tuah lo nak ding caah Joe Biden admin cu taza an cuai than, America hi freedom ram a si i, mah le pumpak zalonnak hi zei rel loin um piakding a si lo, Minung pakhat nih amah le chungkhar caah tha bik in ruahnak a ngei mi kha kan upat awk a si.

Minung pakhat nih a rian tuannak ah tha bik tiah a ruah mi kha kan mah nih hram hram in kan doh awk a si lo. Cucaah Joe Biden admin nih hram hram mi rian tuantu sin ah Covid sii nan lak dih lai tiah nawl a chuah mi hi American nih freedom kan ngei mi a buar.

Cucaah American livelihoods le business le kan phunghram kilvennak ding caah mah bantuk in President Joe Biden nih nawl a chuah mi hi kan cohlan lo i, Supreme Court zong nih Joe Biden nawl a chuah mi hi hmang lo ding in nan kan hlawt piak lai tiin US supreme Court sin ah nawlnak an tuah mi kongah former president Mike Pence nih a chim.

A chim chap ning ahcun, Joe Biden nih Vaccine mandate nawl a chuah mi hi American nih a kalpi ning le American phunglam lo ning a si. Mah bantuk in freedom doh i, mipi duhthimnak zei ah a rel lo mi executive Branch nawl a chuah mi hi US phunglam nih a cohlan lo bak mi a si caah Joe Biden rian tuan ning hi a luan tuk cang tiin a chim chap. thechinnews

Author: admin