Min Aung Hlaing Ralhrang 2 Anung Buin An Tlaih Hna I An Thah Lawlaw Hna.

Chin ram asimi myanmar ram tiah chuh mi Makui ramthen Chaw peng I raltuk nak hman mi thilri paw sernak company I riantuan mi Ralbawi Tawyin le akut tang pa Soe Zaya Aung cu raltuknak hman mi thilri cheukhat le ralhrang pawl eidin ding pawl motor in an phurh lio ah Mipi kilveng tu (people Revolutiom Army) PRA pawl nih an tlaih hna.

Cun an phurh mi thilri, eidin le motor cu an an khangh piak dih hna tiah theih asi. Cun hi ralhrang minung pa 2 an tlaih mi hna cu him tein an chiah ko hna I PRA pawl nih bia hal nak an ngeih hna. Biahal nak an ngeih hna lio ah tlik zam an timh caah an thah law law hna tiah theih asi.. source: khit thit media

Thawngdang deuh…Ralhrang nih khangh mi Rialti khua thianhhlimhnak le thlacamnak tuah; Nihin November 6 ah Ralhrang nih khangh mi Falam Peng Rialti khua a kaang mi pawl thianhhlimhnak le thlacamnak cu Rialti Baptist Biakinn hmunthing ah an tuah, tiah kan theih. Falam Baptist Association Zung riantuantu hna.

CCIT Bible sainginn in tuanvo ngeitu hna le Rialti khuami hna tiin thiamhhlimhnak le thlacamnak an ngei, tiah Chinland Herald News nih a langhter. October 14 lio ah Ralhrang nih Rialti khua cu inn 13 chung ah inn 11 an rak khangh i khuami hna cu Lailun IDPs camp ah an i dor lio a si, tiah kan theih.Ralhrang nih inn khangh le thil firpiak a tong mi Thlanrawn khua caah thlacamnak he thilri bawmh; Falam Baptist Association (FBA) hruainak in Ralhrang nih inn khanghpiak le thil firpiak a tong mi Thlanrawn khuami ca thlacamnak le thilri bawmhnak cu November 6 ah an tuah, tiah kan theih. Hi thlacamnak cu Thlanrawn Baptist Biakinn ah an tuah i FBA OC nih an telpi hna.

Cun, Khrihfabu, Zaatlang Bu hna le pumpak tibantuk nih thilri bawmhnak thawhkhawm mi zong pekchanhnak an ngei,” tiah FBA nih an facebook cahmai ah an langhter. Falam Peng, Thlanrawn khua cu October 14 le 16 lio ah Ralhrang nih inn 13 an rak khangh. Hi inn 13 ah hin chungkhar milu 71 an um, tiah kan theih.November 6 tuzing ah CNA le CDF -Hakha i bawm in Hakha khua hmun hnih ah Ralhrang an kah hna tiah kan theih. CNA Chimphuannak nawlngei Salai Htet Ni nih “Hakha Cawbuk Ralhrang um nak ah CNA le CDF nih kan kah hna i Ralhrang 5 an thi,

Hakha khualu Phungki Um nak ah hmun a khuar mi Ralhrang zong kan kah hna i Ralhrang minung 6 an thi, an dih lak minung 11 kan thah hna tiah The Chin Post ah achim. CNA le CDF lei in hliam tuan le a thi mi an um lo tiah kan theih.Breaking News Ralhrang Nih Thantlang Khua Ah A Tlawmbik Inn 4 Khangh Than. Nihin November 6 zinglei 6:00 AM hrawng ah Ralhrang nih Thantlang khua ah a tlawmbik inn 4 an khangh than, tiah kan theih.

A kaang mi hi TABC nih ngaktah an zohkhenhnak inn PCH timi Peniel Children Home a si i a pawngkam inn 3 hrawng a tlaihchih i inn zeizat set a kaang ti theih khawh a si rih lo. Thantlang khua hi Ralhrang nih September 18 zaan ah inn 19, October 29 ah inn 164, le nihin November 6 ah a tlawmbik inn 4 tiin an khangh.

Author: Main Editor

Leave a Reply

Your email address will not be published. Required fields are marked *