Min Aung Hlaing Russia Akal Hnu In Russia Nih Myanmar He Ralkap Lei Pehtlaihnak Fek Tein Kan Kalpi Lai

 Russia le Kawlram kar ralkap lei pehtlaihnak tha chinchin le fek chinchin dingin kan tuah lai tiah Russia ralvennak vuanci nih Sergey Shoygu nih Ralhrangbu hruaitu Sr.Gen Min Aung Hlaing sin ah a chim tiah Russia media pawl nih an tial.

Ram pahnih kar ah kan ngeihcia mi i theihthiamnak, upatnak le zumhnak cungah pehtlaihnak a fek chinnak dingah kan i zuam lai tiin bia kan chah cia mi a si” tiin Russia news agency RIA nih a tial.

Taluk, Russia telhin UN General Assembly nih June 18 ah ralhrangbu sin ah hriamnam zuarh lo ding telhin Democracy lam zulh ding, tlaihmi vialte thlah dingin biachahnak a tuah.Atu bantukin Russia nih ralhrangbu sinah hriamnam zuarnak le ralkap lei pehtlaihnak tha tein a kal pi rih mi cungah human rights activists pawl le vulei cung huap bu hna nih an soisel ngai.  A bik in Russia nih ralhrangbu a chawnhbiak ning cu phungning tein a kai mi cozah pakhat bantukin a cohlan mi a si tiah an ti. Credit the chin post

Thawng pang dang relchap… US Ralkap Caah Afgan Holh Let Tu Hna Nih VISA Pek Dingin US President An Nawl; Joe Biden a cozah nih Afganistan ah a ummi US ralkap pawl an lak dih cang lai caah Afganistan raldohnak ah US ralkap pawl nih an hman mi Afgan holh lettu hna cu Taliban ral tih in an inn le an chungkhar hna zaam takin an i thup tiah theih asi.

Holh lettu hna hi kum 20 chung US nih Afganistan raldohnak ah US ralkap pawl he nunnak pekin rian a tuan ti mi hna an si. An dihlak 18000 leng an si. US ralkap nih an tlun tak tik hna ah an nunnak caah tih a nung ngai. Mah hna hi US cozah CIA, ramleng pehtlaihnak, Marine ralkap hna he nunnak pek in rian a tuan mi an si nain US luh khawhnak dingah Immigration Special Visa an pe zok zok khawh hna lo caah harsatnak tampi an tong.Afghanistan ah a ummi US ralkap pawl an tlun dih nak dingah ni tlawmpal te lawng a tan cang caah Taliban pawl an thinphang cang. Cheukhat cu an chungkhar kaltak in a thup mi zong an um.  US president sin ah Visa an hal lio a si tiah Daily Mail nih a tual.

US nih Afgan le Iraq holhlettu ah an hman mi hna cu kum 1 ah a khunhleiin visa 50 a pek hna. 2014 december thla in US cozah nih a hman mi Afghanistan pawl caah visa 26500 a on piak hna nain a sok kho lo mi tampi an um rih tiah theih a si.

Visa a sok lio mi pakhat nih “visa ka hngahnak kum 14 a si cang. Visa a kan buaipitu hna nih tha tein a kan tuahpiak duh lo, hremhmun in luat ka duh ngai cang” tiah a chim. US nih rianrang in visa a pek khawh lo caah cheukhat cu US an rak bawmh caah an i chir ngai.

An ram chung buainak ah an chungle, an mipi, hawi pawl Taliban nih an thah hna ning mit in a hmuhtu hna an si caah an nunnak tih a nunning fiangtein an hngalh.

Mah hna nihcun US nih visa kan pe zokzok seh ti hi an duh cem mi a si. Afghanistan roldohnak ah Taliban nih US hmanmi holh lettu pawl an thah mi hi 300 reng lo an si lai tiah No One Left Behind phu nih an langhter.

Author: Main Editor

Leave a Reply

Your email address will not be published. Required fields are marked *