Min Aung Hlaing Um Lo Kar I Soe Win Cawlcangh Ning

Myanmar ralhang hruaitu Min Aung Hlaing cu Russia ramah June 24 tiang lawng caam ding in akal i june 25 ahcun Myanmar ram phanh than ding asi. A si nain, lam laklawh in a kirthan i,Myanmar a tlaungtein aphancang tiah theih a si rih lo.

Lam tam ttim in a kir than nak a ruang cu nikhua a tha lo, a thisen kai le, a pawpidamlo ruangah le angandam nak athat lo caah timi thawngpang phunphun in a um nain, zei ruang bikah a kirthan timi cu fiangfai in theih a silo.

Myanmar ramchung ah  Min Aung Hlaing a um lo chungah hin Yangon i Min Aung Hlaing a inn le amah achangtu Soe Win i a inn cu ralkap nih tha tein an cawngh.Min Aung Hlaing umlo chungah Min Aung Hlaing chan tu Soe Win cu June 26 ah Kaba Aye Pagoda ah a akal lai tiah thawngpang aleng. A si nain Kaba Aye Pagoda cu Min Aung Hlaing a um lo lecang ka ralkap nih an cawngh dih ve.

Hi hlan ah hin Myanmar ralbawi changtu Soe Win cu Kandawmin ralkap sizungpi zong ah akal. Yangon le Naypidaw khuapi ah ralkap mawtaw atlungkal,

achawklet a tam i ralkap lakah hin nawl ngeih nak cuhnak asi lo ah thlithup buainak pakhat khat cu a um in a lang tiah, a tu lio ramchung thawngpang ah alar ngai mi pakhat a si.Min Aung Hlaing cu nihin June 26 ah Myanmar phanh ding in an chim than i a phanh hlei lo asi ah cun  thuh awk tha loim, ralkap lakah thil khatkaht  a um timi a fiangtertu pakhat a si kho.

Ralbawi lubik le a aching tu umnak Yangon le Naypidaw i a um mi mipi tam deuh nih cun ralkap lakah ah hin buainak a um ko ti in an chim.

Thawngpang fiang cu zeihmanh a um rih lo nain, an mah ralkap chungah hin buainak aum ding cu mipi saduh thah lei asi. credit Vapual net

Author: Main Editor

Leave a Reply

Your email address will not be published. Required fields are marked *