Mindat le Matupi Karlak Kahdohnak Afak Chin( Ralhrang Pawl An Awlok Chong)

Mindat-Matupi lam Meng 19 zawn ah nihin chun sml. 1 leng in kahdoh nak an thawk than. Atu tan kahdoh nak hi a hlan he an I lo loh, thilkham mi motor a cung ah (light machine gun) chiah mi pa 2 hmai ah an kalter I ralhrang motor dang hi pahnih, pahnih lam chak lam thlang in an kal cang hna. CDF- Mindat i lam laklawh in an rak kahhna nak ah thirlham mi motor cung I machine gun atlai tu pa 2 telh in minug 10 an thi I bomb nih hliam in hliamhma apu mi an tam tiah theih asi.

Cun mengtung 27 zawn zongah ralhrang lei ruak lam pawng ah an phum mi hmuh asi. Cun ralhrang lei hi an motor I an kuan zen atlawm cang ti alang aruang cu Mindat lei in ralhrang hna nih meng 11 tiang hriamngan kah in an rak bawmh mi hna cu mipi ralkap nih an hmuh hna. Nov 9 lio zong ah khan meng 16 zawn kahdoh nak ah  ralhrang lei 5 hrawng an thi I bomb in tam ngai an hliam cang hna.

Mindat CDF nih hin meng 14 tiang an va dawi hna I cu hmun ah cun 2 an va thah rih hna I hliam atuar mi zong an um rih. Cun lam pi cung I thisen pawl cun ti in an tawl vawlei an chilh, cun lam pawng chiah mi thetse hna an khuh len mi hna zong hmuh khawh len asi.

Author: Main Editor

Leave a Reply

Your email address will not be published. Required fields are marked *