Mipi Rungveng Tu Minung 3 An Tlaih Hna,Tlaihmi Chungah Minung 2 Thah An Tong

 Ralhrang phu hna nih nizaan November 3, kahdohnak chungah Kalay mipi vengtu ralkap phu chung in minung 3 cu tlaih in an kalpi hna tiah theih a si. Hramhram nawlngeihnak la tu ralhrang phu hna nih tlaih in an kalpi mi hna mipi vengtu ralkap minung 3 chungah minung 2 cu Chawngkhuah(ချောင်းခွ) khua sianginn pawngah an kah hna caah an nunnak a liam tiah Kalay mipi vengtu ralkap phu nih cathanh an chuah.

Cun nizaan zaan suimilam 7:00 hrawngah ralhrang phu hna nih Hakhalay khua in sualnak ngeilo mipi minung 2 cu tlaih in an kalpi hna, a tutiang ah ralhrang phu hna cu Natchawng(နတ်ချောင်း) khuachung ah umhmun khuar in,khuachung ah an duhpoh in thilri an hrawh tiah an cathanh chungah an langhter. Than Lwin KhitMindat Khuapi pawng ah hriamngan thawng kan theih, Khuachung zong ah mi an check hna 8:30 AM , Nov 4 Mindat khuapi nitlak lei meng 6 le 9 kar ah hriamngan thawng le meithal thawng pehzulh in theih asi.  9:00 AM , Nov 4 Mindat khuapi Soh-loh-yii lampial gate le Taing-Yin-Sae lampial gate hna ah a ni dang nak in a hlei in check nak an tuah.

Hriamngan a puah nak nitlak lei ah Ralhrang pawl mipi thilthuam hruk in cycle pakhat minung pahnih pherh in meithal hen an kal.  Mindat Sizung zawng ah tuni in Palek an chiah tthan cang hna.  Mindat Market hmai zawng ah mipi thilthuam hen Cycle 7 in Ralhrang 14 an um. Khuai kaa an kal lai theih asi rih lo.Nov 3 Mindat-Matupi kar i kahnak ah Min Aung Hlaing Uico Pawl Tamngai An Thi  Nihin Mindat-Matupi kar i kahnak ah MAH Uico Pawl tamngai an thi I CDF-Mindat in pakhat nih a nunnak a pek i Pahnih hliamhma an pu. Matupi in Mindat lei ah a kir tthan mi tank pahnih le ralkap motor 75 cu CDF-Mindat nih Mindat-Matupi kar lam hmunkhat ah an kah hna.

Cu kah nak ah cun Ralkap 10 tluk an thi i hliamhma pu mi an tam. CDF-Mindat lei in Pathum an hliam i pakhat cu a hliamhma a ngan caah a hmun ah a nunnak a liam. A dang pahnih hliamhma cu thinphan ding a um lo tiin CDF-Mindat chimphuan nak nawl ngei tu pakhat sin in kan theih. Source – CDF MINDAT SPOKESPERSON

Author: Main Editor

Leave a Reply

Your email address will not be published. Required fields are marked *