Myanmar Ralkap Pawl Nih ICJ Ah Akal Ding Bu An Dirh An I Timh Tuahning Atha Bak Ko Hih

 Myanmar Ralkap pawl nih 2016 lio i Rohingya miphun an thah hna ruangah Gambia ram nih cun ICJ ( International Court Of Justice ) ah Myanmar ralkap cu taza an rak cuai I atu tiang ah ICJ Court ah hin Myanmar ralkap nih  cause an nei rih.

Tazacuai nak cu 2019 in biaceih nak  thok a si i,Myanmar ralkap lei dirkam in Daw Aung San Suh Kyi cu ICJ a rak kal. Court i bia an ceih hnuah Myanmar ralkap pawl hi an cawlcangh ning cu zoh rih

dingin bia an rakh chah i an rak chia chung. Hi cung ah hin ralkap lei nih hin thla 6 dan ah voikhat lengmang ram chung i an cawlcang ning cu ICJ ah an kuat lengmang si asi.Gambia ram nih Myanmar ram cung i tazacuai nak bia feltai, biathluk nak cu 2020, Ocotober 23 ah tuah dingin an rak ti nain, 2021, July 23 tiang caan ahnu bik an pek than hna. 2021 July 23 ah ICJ chuah than can ah hin ram pahnih palai cu ICJ Court ah an lang hrim hrim aherh.

Asi nain a hlan i ralkap a rak dir pitu Daw Suh Kyi cu ralkap nih inn ah an hremh khumh lengah cause an ser piak ve i cu caah ralkap dir pi in ICJ ah a kal kho ti lai loh.

Cu ruangah cun Myanmar ralkap nih ICJ i an tazacuai nak tawlreltu dingah bu an dirh i cu bu cung ah cun minung 8 an chiah hna. Hi bu chung ah alu bik cu U Wana Maung Lwin ( Ramdang vuanci ) a si i U Ko Ko Hlaing ( Pyine vuanci ) hi abawm tu ding asi.

Member chung ah hin Dr.Thida Oo ( sihni ), Ralbawi Ya Pih , U Win Sein ( PM ) ,Ralbawi Myo Zaw Thein , U Kyaw Myo Htun le Daw Khine Oo Hlaing hna pawl hi an si hna.ICJ biaceih nak i  tawlreltu ding bu chung pawl nih hin biaceihnak/ding he pehtlai in aherh bau mi vialte cu an tawlrel dih lai i, a herh ning in midang zong an sawm chih khawh hna.

Cu pin ahcun hi Bu nih an hman ding mi vialte le adih mi vialte cu ralkap cozah nih an khan dih lai ti mi zong an ca chung ah cun aa tel.

Author: Main Editor

Leave a Reply

Your email address will not be published. Required fields are marked *