Myanmar SAC Ralhrang Pawl Nih US Cozah Ca An Kuat Micu US Cozah Nih Fiangtein Aleh Cang

Myanmar ralkap nih cakuatmi he peitlai in US cozah cu media pawl nih zei tindah nan leh hna lai? tiah bia hal nak an ngei hna , zei tin dan nan ruah tiah an timi cu Email in lehnak an ngei I, ralkap duh ning in  an cawlcangh lai lonak kong cu an langhter.  Cu pinah cun Myanmar Democracy caah a zuamtu paoh cu an him kolai  ti zong in an langter chih.US ramdang vuanci zung nih “U Kyaw Moe Tun cu ralkap dirpi loin mipi lei in adir caah kan lawmh ngaingai. Kannih US hi cu Myanmar mipi caah fakte in kan dir lai timi langternak cah U Kyaw Moe Tun lawng si loin Myanmar Democracy hmuhnak ding caah theitawk in a zuamtu bu le pumpak sinahkan pehtlaih lengmang rih ko lai.

Myanmar Democracy ca i aa zuam mi aho paoh asikhawh chung in kan bawm lai i Myanmar ralkap sin zong ah dai ter in lamzawh duhlohnak ngei mipi an atlaih mi pawl cu thlah zalen zang dingah kan theihter lai.Ralkap nih nawl ngeihnak an lak hnu in hngakchia telh in minung  900 leng an that cang hna i ,Democracy caah aa zuamtu paohpaoh taza an cuai dih hna mi hi cu aruang aum lo tuk mi asi. Cu ruangah cun ramdang pawl zong nih Myanmar nih Democracy an hmuh khawh nak ding caah a phunphun in zuampi hna ulaw  nor chin cio uh tiah kan in sawm duh hna tiah an ti.

U Kyaw Moe Tun cu 2020 in Ner York hrambun Myanmar UN palai a rak tuan mi a si ih ralkap nih rampi nawlngei nak an lak hnuah ralkap cozah dirpi loin, NLD aiawh in UN meeting ah a kai mi ka si tiah February 26 ah a rak chim. Hi bantuk ruangah hin Myanmar ralkap nih cun U Kyaw Moe Tun cu February 27 ah a rian in an dinh ter i rampi leirawi tu tiah tazacuai nak (case) an rak tuahpiak.Taza an cuai hnuah tlaih an duh tuk nain, US i a um caah ralkap nih an tla kho lo, cu runagah Myanmar ah kuat dingin US an hal mi a si. Hi bantuk dirhmun ah US nih cun U Kyaw Moe Tun cu Myanmar ah kuat ding an tim lo. Cu pinah ralkap nih U Kyaw Moe Tun aiawh tu UN palai an thim mi Aung Thu Sein zong a tutiang UN nih an cohlang rih lo.

Author: Main Editor

Leave a Reply

Your email address will not be published. Required fields are marked *