Ngeihchia Tuk Asi An Inn Cia Cu Ralhrang Nih Sakhan Ah Anhman I An Chungkhar In An Thah Dih Hna

 Ralhrang Nih Thla 2 Chung Umhmun Khuar Nak  Inn Hnu Lei Ah Lutan In An Thah Mi hna Ruak Hmuh Asi. Kaya ramkulh Demosoe peng I Saphiah khua ah Inn No.3-27 ah hin ralhrang hna nih hmunhma an lak nak asi I inn hnu lei ah arim athu ngai mi an theih caah Kaya miphun dilak fonh  in acawlcang mi ralkap nih an va kawl  tik ah inn hnu lei in I khur an cawk mi chung ah miruak an va hmuh hna.

Hi inn ah hin ralhrang hna nih thla 2 chung sakhan bantuk in an hman I ralhrang pawl cu July 10 ahkhan inn cu an chuahtak. Hi an chuahtak hnu in atubantuk in miruak hi an va hmuh hna asi I, an thah ning hna cu an Lu an tan hna.Hi Lu tan in thah mi ruak pawl cu Chungkhar ning in an si kho tiah mi hmu tu pakhat nih cun achim. Sualnak  ngei lo mipi ruak cu mipi kilveng tu  bu nih mei khangh in an fim hna.

Thawngpangdang relchap…Kachin ram Phakan peng I Yuma khua ah palek motor cu KIA ralkap nih  July 12 ahkhan bomb in an puak I hliam mi an tam tiah theih asi.July 12, 2021 zingah khan Ralhrang nih sianginn on mi ah security va tuah dingin akal mi palek motor 4w cu siangin hmai ah KIA nih voi 2 tiang bpmb an puah hnawh hna tiah khuami pakhat nih cun achim. Hi palek motor ah hin palek pawl cu minung 10 hrawng an si I, an dihlak in hliam an tuar dih tiah achim chap.

Cun zahan zan ah khan Winemaw Ah KIA Nih Ralhrang Khah-Mah-Yiah 321 An Hriamnam An Lak. KIA nih Khah-Mah-Yiah 321 riahbuk cu an khangh,ralhrang lei in a thimi an tam an hriamnam KIA nih an lak. Kachin ramkulh,Vuanmaw peng,Aungmay khua pawng hleiah umhmun a khuarmi ralhrang Khah-Mah-Yiah 321 cu KIA nih July 11 zan suimilam 8:10 PM ah an luhhnawh. I kahnak ah suimilam 8:10PM in 9:15PM tiangah an i kap,KIA nih an riahbuk an khangh,hriamnam cheukhat an lak,ralhrang lei in a thi an tam nain an milu zat fiang in theih a si lo. source; Khit thit Media

Author: Main Editor

Leave a Reply

Your email address will not be published. Required fields are marked *