Nihin ah CDF-Matupi nih Ralhrang 5 an Thah Hna, Anung in 2 An Tlaih Chap Hna

Nihin ah Matupi-Paletwa karlakĀ  The Bwe ah hmunkhuar mi ralhrang le CDF-Matupi karlak ah zing suimilam 7:30 ah kahdohnak achuak I, ralhrang minung 5 an thi I, atlawmbik 10 hliam an tuar. Matupi-Hakha karlak Phanaing le Ngalaing khua karlak ah ralhrang le CDF-Matupi karlak kahdohnak achuah rih. CDF nih ralhrang minung 2 a nung in kan tlaih hna tiah cathanh an chuah. Kahdohnak hmunhnih ah hin CDF lei athimi le hliamtuar kan um lo tiah an ti. THT

BIDEN ASUNG – President Biden nih order achuah ning ahcun, siangcachimtu hna cu an dihlak in vaccine an Ichunh dih hrimhrim awk a si. Mah order hi January 31, hi adonghnak asi lai I, cu hlan hrimhrim an vaccine an ichunh dih awk asi tiah ati. Culawng asi lo, company riantuantu vialte zong vaccine ichunh dih ding in nawl achuah rih. Cun, Covid zawtnak hi a zualnak hnga lo ngakchia kum 2 asimi zong nih mask hman ding tiah ati. Mah nawl achuahmi cu US ramchung states 24 nih an duh ti lo caah Biden cu states 24 I siangcachimtu hna nih taza an cuai. Nihin ah Lousiana Federal Judge Terry Doughty nih biachahnak a tuah cang.

Atimi cu US ram cu Democracy a si bantuk in State kip nih State zulhphung le duhnak hi abiapi. Cu caah US ram states 24 ah siangcachimtu hna nih compolsary in vaccine ichun u tiah President order cu pompiak asi lo, state mipi duhnak cu cohlan le pompiak an si tiaha ti. Federal Judge Terry hi Donald Trump nih rian a rak khinhmi pa asi. Rep. Nicole Malliotakis, R-N.Y., nih President Biden cu fak taktak in a phomh. Atimi cu, Biden nih hin President candidate a rak ngeih lio ah khan, Americans mipi sinah tuah dingmi le tlamtlinh dingmi thil tampi bia a rak kamh hna.

NainĀ  US dirhmun ka cuanh tikah Biden nih a biakamnak atlinhmi hmuh awk a um rih lo. Donald Trump nih a tuah awk a theih ti lomi US ramchung Covid zawtnak rai cu chikhatte chungah ka donghter lai tiah biakamnak arak tuah. Nihin US dirhmun cu zawtnak a karh chin ching cang. Saturday nikhatte chungah kanmah New York chungah zawtnak thar ngeimi 85476 an um/New York set a record of 85,476 cases on Saturday an um. Cu cu maw Covid zawtnak tei cu asi kun hnga tiah a ti. Atu hi US ramchung covid zawtnak khuaruahhar bakin a tam than. Biden a thinphang, abiakam bantuk in a tei kho ti lo caah Vaccine ichunh dih hrimhrim dingin nawl achuah lengmang nak asi.

Author: admin