Nihin ah TABC Sang Rev.S.Hre Kam nih A Kan Liam Taak E

Kan Khrihfabu chung in TABC sang ummi Rev.S.Hre Kam (kum 76) nih 2021 Dec.26 ah Vambai khua ah mual a kan liam tak. Amah hi TABC AGS a rak ttuan bal mi asi. Kan bochan mi le kan upat mi kan pa asi. Kan rianttuan hawi, hlasak thiam Pu Sui Hnih pa asi. Kaltak mi tu le fa, sahlawh rualchan dihlak, TBC Khrihfabu chungtel dihlak nih kan in ngaihchiatpi hna. Bawipa Thlarau nih in hnem hna she. Zumhtlak kan pa, rak kal chung ko ne law kan dong te mu. Crd-TBC

Thawngpang dang– Nikhat hnu nikhat, kumkhat hnu kumkhat in kan Bawipa Zisuh chuahcamtuak kan hmanmi ni December 25 cu a sunlawinak a dal chin lengmang in a lang. A liamcia kum 10 hnu lei ah cun Christmas cu a nuamh tuk ah hin khuaruahhar lei an si.

Christmas ni Dec.25 cu chim hlah u, December thla phanh hmanh ah hin mi vialte thinlung aa hlip hlau.  Kum zabu 21st nak kan luh hnu in mipi thinlung le ruahnak ah December 25 nih thuk piin hmunhma a la kho tilo. Hi nih hin sullam a ngei. Cu sullam a ngeitertu hna cu zeibantuk dah an si hna ti ah cun:-

Bible sianginn a kaimi, Greek le Hebru a cawng pah luklak mi le Judah miphun kong a hlathlai deuhmi hna ruangah a si kolo hlah maw. Cu hna nih cun, December 25 thengte ah hin Zisuh a chuak lo, Judah miphun nih an i ngeihmi nithla relnak Calender nih cun hitin a langhter tibantuk in Christmas zingah biatak tein thawngtha chimtu nih a chim eng.

Cu nih cun mipi tampi thinglung chungah December 25 hi cuhlan a sunlawi tlukin an sunlawih kho tilo. Cu lawng silo in, zumtu kan nunah nikhat hnu nikhat Pathian kan biaknak zohthan tikah ibiataklonak nun a tam chin lengmang. Nikhat hnu nikhat zumhnak leiah a fek chinchin ding a simi kha, zumhnak lei ah kan dal chin lengmang ruangah a si.

Cu caah thawngtha chimtu nih hin theih ngai pungsan in Christmas hi December 25 a si lo timi hi thawngtha chimnakah telh lengmang a hau lo. Thawngtha, mi nih ei khawh ding a simi le a biapi deuhmi chim ding a tamtuk. December 25 kong chimnak nih mi nun a thleng lai lo. Mah le hmuh ning cio in an chim tikah Dec 25 an soksam dih e.

Author: admin