NLD Party Chungin Pengkomh Chiarman Asi Mi Covid In A Nunnak Liam

 Sagaing ramthen.Kalaymyo NLD pengkomh Chiarman U Ba Min (kum 64) cu Covid in nihin July 10 ah a nunnak liam tiah theih a si. Kalay peng Thuma khua ah a ummi U Ba Min cu Oxygen adih caah nihin zinglei ah a nunnak a liam tiah Kalaymyo ah Oxygen bawmchantu pakhat nih a chim.

“Kan u le sinah Oxygen bawmh kan hal zingah ruah a sur mawtaw zong caankel in a phan khawh lo caah Oxygen a dih i a nunnak a liam hi A si” tiah a chim chap. Covid zawtnak a karhnak Kalaymyo ah nizan zongah Volunteer pakhat zong a si i mipi ralkap zong a si mi Chinpa An Khanh Cin zong Covid in a nunnak liam. Credit; The Chin Post

Thawng pang dang…Chinmi Kawl Ralkap Atuan I CDM Atuah Lomi Nih Atuah Lonak Aruang Achim; Myanmar ralkap atuan cuahmah mi Salai Thian Lian Ruang ( Pa Cik ) nih cun zeiruangah dah CDM tuah loin atutiang Ralkap a tuan timi kong cu a atanglei bantuk hin  Chin mipi sinah chim fiannak angei.Kawl Ralkap atuan mi Salai Thian Lian Ruang cun “zei Ruangah CDM ah Ka Luh lo? CDM ka luh rihlonak aruang cu a tanglei bantuk in asi; 2010 thokin USDP & NLD uknak chungah ralkap riancu ka ttuan.

Zei uknak hidah atha deuh ti hi chim ding ka ngeilo cu ve bantuk in an thatlo nak kong chimding zong ka thei lo. Keicu nan mah bantukin pawcawmnak caah chawleh thal le riantuan ti pawl athiam I ka si lo ruangah mah pum pawcawmnak caah ralkap  hi ka tuannak a si.Kawl ralkap pawl nih hin an rian kha tha tein an tuan lo ruangah mipi in huat ka conak hi a si. An kan cawnpiak mi chungah hin mipi hrem ding le thah ding kong hi aa tel lo. Raldoh ning cang le rampi kauhter nak kong lawng an kan cawn piak.

Cu an kan cawnpiak bantuk in keicu ka zulh. Ka hman mi Meithal (Gun) he mipi nunnak ka hrocer bal lo. hrocer ding zongah ka ruat bal fon lo. Mipi humhimnak kong lawng hi ka ruah mi cu asi. Ni hin tiang ah CDM ka luh lo mihi mipi nan caah himnak a si.Theifiangnak dingah Zanniat ramchung ah kahdoh nak voi(2) kan tong. Cun LumBang le HlanZawl pawngah kahdoh nak ah remnak ka tuahpi khaw hna.

Webula i kahdohnak kong tu ah khan remdaihnak tuah dingin khuanu khuapa pawl cu ka biak ko hna nain DALAN tiah min an phuah i online cung a phunphun in kan min chiat nak an tuah. Ka tawlrelpi kho hna lo ruangah khuachung mipi pawl tih le phangin an zam i harnak tampi an tuar.“Theiternak; Mipi lein CDM ka luh dingah nan lung atlin  asi ah cun ka luh kho. Nain luh nak ning ka theilo. Ka  zam canh hnuhnu ahcun zeitik hmanah ralkap cu ka tuan than kho ti lai lo. Salai Thian Lian Ruang(pa cik), Khua Lai,FaLam peng, pehtlaih nak Ph-0936629639,09425235579,” tiah a tarlang.

Author: Main Editor

Leave a Reply

Your email address will not be published. Required fields are marked *